اهلا شموسه....
الرحلة من طرابلس ل لندن خدت 4 ساعات... ف البريتش ويز سافرنا.... ضيوفنا سندويتشين موزاريلا بالطماطم مسقعات ههههههه ف باكو اصغير محفوظات مع عصير.... وبس الانجليز شعب مش وكال خخخخخخخخ والا بخلاء حتي هنا بالفندق فطور و وجبة الساعه 6بس..... عموما تطلبي بلاك كافي...اميه يجيبولك عادي....احلي حاجة ف الرحله الفرجة من الطيارة خصيصا ايطاليا وفرنسا ومنظر الجزر...... نزلنا مطار هيثرو بلندن واااااااو حاجة روعه طيارات ينزلن ورا بعض...ويصعدن ورا بعض عليك مطار كبير
قعدنا ساعتين ترانزيت قمعزنا ف السوق تحت بس ماتحركتش ماسكه لولي وزوجي يتبع ف فروسي جاته عالمشي والنق انشهر يومها.....
رحلة نيوكاسل خدت ساغ الا ربع ضيوفنا عصير وكوكيز ومكسرات فيهن جو مكشراتهم بجد مغلفات بالشوكولا والزبادي المجمد و بالزبيب وضيوفنا تشيبس معاهن يمدولك سله وتختاري عشان معانا فروسي دلعوه مدتله المضيفه بس عصران مابش ياخد ههههههه خدت يده وحطتله عالحاجات ف السله قالتله وات يو وانت واتدلع فيه... بحت فيها وعقد حواجبه...اشويه خداله باته
اللي عجبتني فيهم تلقي الطاقم كله من كابتن الطائرة للمضيفين يودعو ف الركاب والضحكه عالوجه...مش كيفنا الكابتن مايبان بكل... وكان بان الكشره ماتفارق وجه
عموما جا المندوب متاع الجامعه خدا القروب ف الباص ..وهنا تعب اخري قعد يلف يتبع ف العناوين ب جي بي اس
قعدنا ساعه ونص اندورا اااااااه وبس والبلاد مافيها حد كلهم راقدين خاطي البارات بس والعات