انا تجربتي غييييركم كلكم
انا ماعندي الا لموره الله يحفظها يارب بس انا من بدايه الحمل وكانت عندي شويه مشاكل نزيف مشيمتي مقلوبه وطول هدي الفتره وانا حاطه في بالي اني اولد طبيعي عادي زي اغلبيه الحريم ... بس سبحان الله في اخر اسبووووع بالتاسع خفت من الولاده في البدايه قلت امكن توتر طبيعي خاصه انها اول حمله ليا بعدها بفتره زاااد القلق لدرجه اني سرت اصحي من النوم واحس بضيق وابكي في النهايه قلت انا استخير الله احسن شي
واستخرت الله انو اولد طبيعي ولا قيصريه مع العلم انو كل اللي اقوله اني بافكر اولد قيصريه كانو ما ينصحوني ويقولولي انو الالام والتعب مضاعف عن الولاده الطبيعيوناس تقولي جسمي مارح يرجع ومن داا الكلااااام المهم برغم من كدا حسيت اني ارتحت للقيصري وقلت رح اطلب من الدكتور انو اولد قيصري ولمن راجعت المستشفى في ااااخررر يوم بالتاسع قالي راس النونو مايل مو(( تمام )) والرحم قااافل مررره بس قلت هدي الخيره وطلبت من الدكتور وهوا ماشاء الله عليه ممتتتاااااااز (( د: انس مرزوقي في بخش في جده ))) المهم واتيسرت ولدت قيصري واكييييد مت من التعب بس انا عندي قناعه انو مافي ولاده سهله لازم كل وحده تتعب ولا كيف تسير ولاده
والحمدلله ما قد ندمت اني ولدت قيصري الحمدلله والموره دحين عمرها سنتين وشويا (( العمر كله حبيبة ماما))