بشرى غير طليتي وهربتي يا صحبتي الحمد لله بعدة اللي طمنتينا عليك انا ياختي كنت انتصل بيك اليوم لانك طولتي وماموالفاش ليك لكن صبحلي الراجل مريض تايموت راني قلتها لبنات فالسكايب وخربقني معاه لانه عيان بزاف وهاد العشة قتلاتني جنى بالخلعة راني حاطها حدايا زعما والله ما غافلة عليها درت عندها لقيتها كتلقف فمها عامر بالحليب كنت حاطها على جنبها لقيتها على ضهرها ومن هزيتها خرجا داك الحليب اللي في فمها وبقات شوية فيدي قلت راهيا لاباس ولكن طوشات واحد التقية فحال القادوس ديك التقية ديال المرض وسخفااانة البنت قتلاتني هاد العشية بالخلعة من اتصلت بختي قلتها ليها قاتلي غير الحليب طلعلها لصدرها لانها ما كانتش مقادة ودابا راهيا ولات شوية ولكن عيني عليها من هنا لفوق لاتمشي تقتلني شي نهار بالخلعة لانني تفافيت ماعرفت ما ندير بقيت عاطياها غير لبكا الله يسمح لينا من حق الوالدين البنات المسؤولية صعيبة
ختي نوال راه تانعطيها السكاتة كتشدها وغير كتنعس كترميها ما كتحسش بيها ففمها وكتنوض تبكي ياختي