[حياتي توأمي]

المشاركة الأصلية كتبت بواسطة shosho-

مرحبا بنات انا شفت التجمع وعجبني انا جديدة معاكم ومتزوجة من 5 شهور وماصار حمل ولله الحمد راجعت الدكتور وعمل لي تحاليل انا وزوجي بالنسة لزوجي قال له كل شي تمام مااعدا ضعف الحركة 10% ولازم مايقل عن 25% وقال له هذا شي بسيط عطاه مجموعة فيتامينات وقال له نعيد التحليل بعد 3 شهور وممكن خلال هالفترة يصير حمل
وبالنسبة لي قالي الfsh عالي نسبته 8 طبعا انا مو فاهمة شي وقالي لازم ننتظر نتيجة فحص مخزون البويضات وبعد 10 ايام قالي مخزون التبويض ضعيف وكتب لي فيتامين hdeaومش موجود عندنا ولا لقيته الا في امريكا طلبته عن طريق امازون..
وسوالي الترا ساوند عن طريق المهبل قالي عندك كيس دموي على المبيض اليسار ويمكن يكون مسبب انسداد في قناة فالوب ولازم اسوي لك قسطرة بالبالون انا خفت وقلت بستشير دكتورة ثانية متخصصة في الالترا ساوند
لما رحت لها قالت لي ماشاء الله التبويض عندك ممتاز عندك بويضة في المبيض اليسار حجمها 18 وخلال هاليومين لو الزوج سليم مككن يصير حمل وقالت لي لاترجعين لهالدكتور مرة ثانية ولا تخلينه يعمل لك قسطرة لانها خطرة وقالت لي لو افترضنا ان عندك انسداد مع انه الكيس مايسبب انسداد فانت عندك جهة اليمين شغالة وممكن يكون تاخر الحمل من زوجك لان عنده ضعف حركة وقالت لي روحي راجعي في مستشفى حكومي افضل ..
اسفة طولت عليكم بس انتوا شرايكم في حالتي وش تنصحوني فيه؟؟

حبيبتي نصيحتي اول شيء يتعالج زوجك من ضعف الحركه وتعيدون تحليله اذا كل شيء تمام وتأخر الحمل ساعتها تفكري في علاجك بس هالفتره مايمنع انك تاخذي منشطات بما ان زوجك يتناول الفيتامينات وممكن يحدث الحمل بهالفتره حبيبتي الكيس الدموي مايمنع الحمل بما انه مو مسبب انسداد للأنابيب
اعتقد الدكتورة الثانيه تشخيصها افضل من اللي قالك عمليه ... الله يوفقك ياقلبي ويرزقك ماتتمنين وياهلا ومرحبا فيج بتجمعنا نورتي