شفيعة لك بإذن الله
فيه احسن من هالشي ؟
بيوم القيامه بتقابلك عند باب الجنه
وتسحبك من النار وتدخلك معها
ماشاء الله عندك.شفيعه وعارفه مين يربيها الحين
سارا وابراهيم عليه السلام
انا مايصبرني الا هالشي .. اقول بيوم القيامه بيسحبني طفلي من النار
احمدي الله ربي اخذ وربي بيعطي
وهذي امانه انتهى يومها ... كلنا بنموت احنا امانات
وبنرجع لله
في حديث بمعناه
ان الله يسأل الملائكه هل قبضتم فلذة كبده
بمعنى الحديث انهم يقولون نعم
يسألهم الله ماذا فعل
يقولون حمدك .. يقولهم ابنوا له بيت بالجنه وسموه بيت الحمد
نعمة من الله احنا طماعين
وما ألومك ابكي لا تخلينها بقلبك
انا كنت بدخل مصح نفسي من حالتي اللي تدهورت
ولما آمنت بالله ارتاحت نفسي
اسمعي في يوتيوب قصة المرأه اللي اتصلت بالعريفي
تسأله عن بناتإا اللي ماتوا
وحده عمرها 20 مع رضيعتها عمرها اربعين يوم
والثانية عمرها11
يمكن لو سمعتي كيف يصبرها تهدأ روحك
وترتاح نفسيتك شوي