[لحظات سعاده]

السلام عليكم ورحمه الله وبركاته
ربنا يرزقنا جميعا الذريه الصالحه عاجلا غير اجلا يارب العالمين
عارفه ان اسم الموضوع رخم ومحبط وكتير منكم هيقول من جواه ايه البت دى المعقده وعوزه تعقدنا معاها كمان ..........هقولها ....... ابدا والله مش بعقدكم ولا حاجه بس كل الحكايه ان بشوف بنات كتير اوووى وانا منهم لوحست بصداع او بشويه دوخه ولا غممان نفس تنزل موضوع هل انا حامل ولا لا وحتى لو منزلتش موضوع تلقيها بتعمل شرس على جوجل علشان تعرف اذا كان د\ه حمل ولا لا وتوهم نفسها وفى الاخر تنصدم ......وفى نفس الوقت فى بنات مش بتحس باعراض حمل وبتكون حامل ودى بنشوفها فى ناس كتير اووووووى
انا واحده من الناس شوفت جميع اعراض الحمل بلا استثناء ..... شوفت نزول قطرات دم بعد ايام التبويض شوفت نزول نقطتين دم فى معاد الدوره وانتقطاعه 5 ايام بعدين نزول الدوره وشوفت الم الصدر والدوخه والترجيع وغممان النفس والكسل والنوم والعروق الزرقه فى الصدر والبول الغامق ودخول الحمام كل شويه وكبر حلمه الصدر وتقل فى البطن ........... وبرغم كل ده الحمد لله مكنش فى حمل كل اللي حصل انى تعبت نفسيا وجريت وراء الدكتره لغايه مدمرت نفسي
كل اللى انا عوزه اقولهولك كله بامر الله سبيها على الله اعراض الحمل دى نفسيا
انا اسفه على الكلام ده بس انا حاسه بوجعتكم وحلمك ربنا يرزقنا جميعا الذريه الصالحه يارب العالمين