السلام عليكم ورحمة الله ،،
فكرة اكتب لكم تجربتي مع الحمل ولله الحمد بعد انقطاع امل الطبيبه وزوجي ، وكل اللي اطلبه دعوه بظهر الغيب
انا اكلت حبوب المانع لمدة سنه من زواجي بعدها تلخبطة الدوره وكنت اتعب وشهر تجي وشهر لا بهذلتني
المهم قررت اراجع دكتوره اول حاجه طلبتها تحليل من زوجي يعني ماكانت تعرف عن وضعي اي شي وقام زوجي وسوا التحاليل وانا كنت واثقه ان العله فيني لاني شايفه كيف وضعي وبطني اللي دايم منفوخ وانا نحيفه
وفاجئتني انو زوجي عنده ضعف قووي قالت مستحيييل يتم حمل الا اذا ربي اراد قلت طيب اكشفي علي انا عشان اتعالج ورفضت قالت ماله داعي وزوجك عقيم ،،
زوجي انصدم واحبطط وقرر الطلاق استغفرالله العظيم وهذا من ضعف الايمان
انا انسانه قنوعه وااومن بالقضاءوالقدر ومااعترضت لاكن قوية عزيمتي بالله وكنت اقول لزوجي تأكد بعد شهرين او ثلاثه راح تباركلي بالحمل ،، كان يعصب ويزعل اذا جبت سيره فقررت بيني وبين زوجي انسى الاطفال وانسى سيرتهم لاكن بيني وبين الله لا فربي كرييييم سبحانه ،
طولت عليكم لاكن بذكر العلاج الذي استخدمته كنت اقول لازم اتخلص من هالكرش مايصير كذا شكلي
وقررت وهنا العلاج اني اشرب كاسه حليب مغلية فيها ملعقه صغيره زنجبيل وملعقه صغيره قرفه ونصف الملعقه فلفل اسود
واحليها بشوية عسل طييعي مقرؤ فيه قرأن كل يوم وليس فقط ايام الدوره كنت اشربها الصباح على الريق واروح دوامي او اشتغل بالبيت ، بعدها بشهرين نزل معي اثنا الدوره قطع بيضاء مثل الكبد بحجم الاصابع ثلاث قطع استغربت وسألت امي قالت هذا انسداد ولم احمل انا ايضا الا بعد ماشربت نفس الخلطه لاكن مع الزمن نسيت تقولي عنها سبحان الله الدورع اللي بعدها نزلت ثلاث ايام وحملت ولله الحمد ،،
هذه قصتي اتمنى تستفيدون منها
العلاج : كاس حليب مغلي ، ملعقة زنجبيل ، ملعقه قرفه ، نصف ملعقه فلفل اسود ، احليه بعسل ظبيعي حسب الرغبه على الريق يعني اول ماتقومي الصباح لمدة شهرين او ثلاثه كاامله ولا يوم تقطعينها ،
واهم شي وجود الامل والثقه بالله ونسياان الامر ،
اسأل الله العظيم رب العرش العظيم ان يزرق كل اخت لي فالاسلام الذريه الصالحه