مابعرف من وين بدي بلش....اجت دورتي اليوم،مالي زعلانة على مجيء الدورة وحياة الخالق...اساسا ماصبرت لحين موعد دورتي وحللت من 3 ايام وطلع سلبي،وربي شاهد نسيت الموضوع تماما وعرفت انو بعد يومين خلص رح تجي....
بنات انا اللي مدايقني انو بهي الدورة صارت معي شغلات والله اول مرة تصير معي ووالله مو توهم لاني مو من هالنوع،شوفو بشو حسيت اليوم الصبح قبل ماتنزل،فقت بكير على قلبان معدتي بعدين صحصحت وشربت قهوة وبعد اربع ساعات حطيت فطور واكلنا،لك انا فطرت من هون واجاني قلبان معدة فظيع خلاني الله يكرمكم استفرغ ودخت كتير ...جوزي قللي بركي حامل قلتله لا موممكن بس ماحكيتله اني حللت من كذا يوم وطلع سلبي،ويابنات قرفت قرفت من ريحة المطبخ والاكل وخاصة البيض المقلي وربي شاهد ماكان توهم...المهم بعدها ارتحت وانا حاسة رح تنزل دورتي،واجا جوزي طلب مني.......قلتله بلاها هلق لان بس يصير جماع رح ينزل دم الدورة بقيان على نكشة،فقللي مارح اعمل بعنف وصار...وبعدها جيت لالبس والله جوزي شاف صدري وقللي عرق صدرك اخضر ليش..اطلعت على صدري اليسار العرق كتير مخضر وهي اول مرة بكل حياتي،اما عن اعراض دورتي هل مرة فمافي وجع بطن ابداااااا والغريب اني نحفانة بدال ما اسمن،وبطني بدال ماينتفخ متل كل دورة بلعكس داخل لجوا،وما شفت من شوي غير الفوطة عليها دم بني تبع اللي اللي بينزل بأول الدورة...و حسيت اني كرهت حالي وكرهت الحمل،لان سبحان الله شوفو شو صار معي غير عن كل دورة وخلاني هالشي غصبن عني افكر بللحمل،اذا يابنات من خلال هالتجربة بنصحكن لا تتأملو عالفاضي،حتى لو شفتو كل اعراض تلقيح البويضة من دم انغراس و اعراض الحمل الاخرى وكللللل شي ممكن يخليكون تتأملو الحمل...استنوا فقط رحمة ربكن وغير هيك لاتعطوا لجسمكن اي اهتمام...ومن جهتي بطلت حتى بأيام الاباضة اعمل جماع لحتى اكون عالاغلب متأكدة قبل الدورة انو مالي حامل ورح تنزل دورتي كون ماصار جماع ابدا ايام الاباضة،طبعا ممكن يصير حمل بغير ايام الاباضة بس نسبته مش كبيرة...على العموم موفقة كلكن وانشالله تصيرو حوامل وتفرحو بشوفة ولادكن يااارب