[اوشي]

المشاركة الأصلية كتبت بواسطة ام وسونة

السلام عليكم

كيف حالكم وشن اخر اخباركم واهلا بوخياتنا الجدد وربي يحفظلكم عويلتكم

بالنسبة ليا قررلي الدكتور موعد عمليتي يوم 27\5 ادعولي ربي يسهلها عليا لكن توا

عندي الزكمة وكحة مش طبيعية وعندي انيميا عاطيني الدكتور ابر فينوفير في التغدية في الوريد

غدوة اخر يوم ربي يسهلها وخلاص

ام وسون لاباس عليك .. ربي ينوضك بالسلامة بس نصيحة اخت حاولي انك تفتكي من الكحة

لانها واعرة عليك مع العملية وان شاء الله مع الابر هادي يرتفع الهيموجلوبين لانهم كويسات بكل

المشاركة الأصلية كتبت بواسطة جوهرة ليبيا

تقدري اتقولي انها زي مستحضرات الاغراء الموجودة في تجهيزات العرائس
وموجودة في قرقاش الحاجات هذي بكثرة
نقتنع بيها في حالة صار اللقاء مجرد اداء واجب وخلاص يعني زي لما تغيري اروابك كلهم كالوان وموديلات

اعذروني لو صار تمادي في الكلام

لا حبيبتي نستفيد مع من بعض وبعدين كلامك مافيشي كلام محرج ولا يحشم هههههه

كلنا نحاولو نطلعو باحلى حلة واحلى بنة وريحة ...

بس الخمرة هادي انا زمان حني كانت ادير فيها لروحها وفيها قرنفل وعطر ورد وعطر زهر

وتقعد ريحتها طابقة الحوش حتى لما انجو انشمو دبشها بعد الغسل نلقو الريحة مازال قاعدة

وهي اتحط فيها علي راسها .. ولما انجو انحبو علي راسها تتمني انك ادوخي علي راسها

وما حد يرفعك خخخخخخخخخخ

المشاركة الأصلية كتبت بواسطة ليبياقلبي

الف سلامة عليك ام وسونة وربي يسهلها عليك
جوجو تو ندورها الخكرة وين في قرقاش ولا تمادي في الكلام لا حاجة احنا نساوينات وعادي انا كعادة في حوش اماليا من الخميس علا اساس بنعلم نوزة نحولها شمال حشاك تعبتني وفدتني نبي قبل انجيب اعطوني نصايح بدتلها من الخميس ومن امس نضرب فيها حرقتها حتى بالنار
بابنسبة ليا انا مشيت اليوم لدكتوري محمد المحيشي في مصراتة حشاكم امس لية قريب انموت مشيت اعطاني فنتولين وطمني علا حالي وطالسيوم وفيتاممين

كيف حالك ام نوزة شن درتي ... حرم عليك ليش تضربيها وتحرقيها والله حرام عليك

شوهتي البنت ... زعلت منك

المشاركة الأصلية كتبت بواسطة sosolibya

السلام عليكم ورحمة الله وبركاته


صباح الخير

وعليكم السلام ورحمة الله وبركاته














صبااااااااااااح النور