مرحبا اختي شموسه..
توني بس اشوف الموضوع!
ذكرتيني بنفس مشكلة بنتي بعد مارجعت لبيت زوجي بعد النفاس!
العطور والبخور لها تأثير.. وبعد الرطوبه في الجو وايد تأثر على صدر اليهال الكتاكيت.. بعدهم جسمهم مافيه مناعه لأجواء المكيفات 24 ساعه!
الحل هو اشتري فلتر منقي للهواء.. من ال جي او اي ماركه ثانيه ..
هالفلتر مش اللي ينباع في هوم سنتر.. ترى هذاك مسخره !
الفلتر اللي اقولج عليه جهاز كبير شوي .. يشفط كل الروائح والغبار والعطور والدخان والجراثيم من الجو.. وينقيها .. وكل فتره تنظفينه طبعا عسب تتاكدين انه يشتغل صح..
في بالصيدليات بخاخ اسمه تونمر الاصفر للأطفال.. كل ما تحسين ان البيبي اصطك خشمها بخيه على طول.. لكن خلي راسها بوضعيه انها تكون كأنها نايمه على جنب..
ومن تبخين على طول اشفطي بالشفاطه.. لأن الاطفال ما يعرفون يتنفسون من فمهم ولا يعرفون يطلعون بلغم من فمهم.. وكرر العمليه ومكاعليج من الدكاتره اونه 4 مرات باليوم!.. والله انا كنت ابخ اكثر من عشر مرات .. ويادوب البنت قدرت تتنفس..
وبقطنة الاذن بلليها شوي ونظفي خشمها كلما حسيتي انه مسكر..
امهاتنا اول كانو يشفطون الانف المسدود بفمهم!!.. انا سويتها!!.. بنتي.. عادي.. المهم انها تتنفس عدل..
والفلتر ولله الحمد فكني من تعب صدرها ... وخصوصا ان عطور ابوها كانت ذابحتني انا قبلها!!.. هههههههه
الفلتر حل المشكله :)