[اوشي]

المشاركة الأصلية كتبت بواسطة *ام فراس*

اوشي ماشاء الله عالبسبوسه.. امس درت بسبوسه زينتها بالتمر طبعا قبل مانخششها الكوشه... وبعد طلعت وبردت وعسلتها رشيت عليها فستق مطحوون والطعمة جت حلوة الحمدلله سترتني قدام زوجي اخر بسبوستين طعمه بس مش متماسكه خخخخخ,,, ودزيت منها لعربي وعجبتهم... ودزيتلهم من الغداء سفرتين وحده لعمي لان مريض ضاربته سياره وقايليه شهر يرقد ع ظهره


font=comic sans ms]درت غدايا حوت ..حمرايا,,..وانا نحب اندير معاه ديما رز وطباهج وشربة عدس وبطاطس مقلية [/font]
ودرت سلاطة خضره وباباغنوج وزينت الحواتات درتلهن عيون وجوانح وجو وكالعاده..

سلمك ياحبيبة صحة البسبوسة والحويتات وبعيد السو علي عمك

المشاركة الأصلية كتبت بواسطة *ام فراس*

اوشي الوحيدة اللي افتقدتني ان شاء الله ماتفقدي غالي يارب,,,
المهم ياحبوبه سبب غيابي كيف ما كنتي عارفة كنا ف طرابلس,,,, انديروا ف اجراءات التأشيرة البريطانية,,, وبعد كملنا روحنا طبعا طيارة شور بنغازي ,,, قعدت يومين عند هلي وبعدها جاني زوجي روح بيا وثاني يوم عديت العيادة عمل طبعا رد مع ان عادي قالو 5 مانحسبوش ف ااجازة سفر تبدا من 6 بس قلت نحلل رزقي...
ولولي مرضت بعد روحنا شلناها عيناها قبال دكتور الاطفال صدرها امعبي بلغم واجد ... واليوم عندها تطعيمة الشهرين ماطعمنهاش باتها قال بعد اتحسن ... قتله نا دام مش واخده مضاد حيوي او عندها حرارة لا سمح الله عادي بس يؤبر ألبي خايف عليهاااااا
وحالتها اليوم افضل من قبل والحمدلله...


وانتي شخبارك واخبار اعيالك ... واخبار شحات والجبل؟؟؟

الحمد عالسلامة عموما ** وبعيد السو علي لولي انا والعيال بخير وزلله الحمد والجبل رائع كعادته

بس اليوم سحب وريح واشوية عجاج

QUOTE=أمل ليبيا;3195638]منور بوجودكام فراس والله لايوريك باس رقدت من الجفاف حشاك الي ناكله نرجعه حتي الميه تخيلي ونقص وزني في 3 اسابيع 6 كيلو فدكتورتي رقدتني والحمد لله توا احسن بهلبا ناخد في كمشه دوايات لكن الحمد لله معاش نرجع

بارك الله فيك ع سؤالك حبوبه
[/QUOTE]

طهور ان شاء الله ردي بالك علي روحك

المشاركة الأصلية كتبت بواسطة جوهرة ليبيا

مش قلت بنطلع المهم طلعت قلت خلي اندير دورة علي فيلوات البنوتات لاني صدعت من حيرة الاختيار
والف الف شكر لكل من ردت علي طلبي وحطتلي صور مشكورة امل ليبيا وسوسو وام فراس الف لاباس علي بنوتك وان شاء الله تطعيمة شهرين ساهلة

قلتلكم طلعت لمحل بيبي ماكس وبصراحة عجبوني هلبة تشكيلات من50واركب فوق لكن يستحقوا وناعمات علاغلب فيهم بروش بس
ومنزل بضاعة قفاطين ب20بس مصدقتش ايهبلواااااااااا ان شاء الله بنولي هاليومين نختارلها مجموعة
من غير العرس ماشاء الله زي ماقلتلكم احني 4خوات حوامل ومرة خوي والفرق بيناتنا كل وحدة اسبوعين ثلاتة وشهر بس ههههه سبحان الله تقول متفقين ربي كاتبلنا سبحانة

سهفتوني علي الفيلوات عندي عرس خوي ان شاء الله بعد رمضان

المشاركة الأصلية كتبت بواسطة جوهرة ليبيا

اوشي بيبي ماكس في عرادة قرب السومافروا جاي بين مستوصف عرادة والسومافرو

جيجي غالطة في العنوان والا انا اللي امفلمة خخخخخخ

بس على كل حال انا ممكن زوجي يمشي لطرابلس بيعالج عمتي غادي ومرات ياخذها لمصر

لكن كان جا لطرابلس اكيد بناخذ منكم عنواين محلات كويسات وفي متناول الجميع

ما نحكيلكم عالغلا عندنا في ملابس الاطفال امس مشينا للسوق وخذيت كندرة لريرو 15 دينار

وكنرة لردينة 25 دينار

المشاركة الأصلية كتبت بواسطة sosolibya

من يعرف اى شىء على مايسمى التصفيح

هلا سوسو.. قصدك اللي يديرو فيه للبنات الصغار ويسكرو فيهن علي صندوق