خلال الثلاث اشهر
الحمدلله واظبت لمدة 25 يوم على سورة البقرة كل يوم كاملة و على نية الذرية الصالحة
و بعد هيك بلشت بختمة قرأن بس لسه ما ختمت لانه بس كنت اقرا صفحتين لثلاث صفحات كل يوم و ان شاء الله يقدرني اختم قبل رمضان
كنت اصلي استخارة كتير كتير
و لما بلشت العلاج كنت اصلي استخارة تقريبا كل يوم لموعد العملية
و سورة مريم كل يوم اذا مش كلها اقل شي الصفحة الاوله منها
المهم كل يوم اقرأ جزء منها
الاستغفار كل يوم اقل شي 100 مرة
و كان في كل مكان دايما على لساني ربي لا تذرني فردا و انت خير الوارثين
صدقات بس بصراحة انا لهلأ حاسه حاي مقصرة بموضوع الصدقات
بعد العمليه كملت حياتي طبيعية
بس بدون جهد متل شغل البيت و الطبيخ
الحمدلله زوجي كان كتير متعاون معي
ما في اكل معين و لا شي معين عملته الا الميه
لانه انا اصلا ما بشرب ميه كتير باليوم ما بحب الميه!! فحاولت اقل ما فيها اشرب لتر من السؤال باليوم ما بين ميه و حليب و عصير
اعراض ما كنت احاول افكر بالاعراض
بس الشي الملفت انه اليوم السادس من الترجيع اجتني حرارة كتير بايدي
بس برضو ما بقدر احكي انها من الاعراض لانه هداك اليوم كنت متوترة كتير بالشغل
الشي المختلف هالمرة بفترة الترجيع طلعنا كتير و تفسحنا كتير و شفنا اصحابنا
و بصراحة ضحكت كتير لحتى مرات احسن من الضحك يجيني معض
حاولت انسي العمليه و عشت كانه مش عاملة شيء
هاد كل شي عن تجربتي و اذا تزكرت شي تاني بحكيلكم ان شاء الله
الله يرزقني و يرزقكم كلهم عاجلا عاجلا الذرية الصالحة يارب
ادعولي الله يثبت هالجنين و يرزقنا فرحته يارب و الله يفرحكم و يجزيكم الخير على الدعاء