[حلــ أنتظره ــــم]

الســلام عليكم ورحمة الله وبركاته


القاتــل الصــامت


هاذي قصتي مع الزلال وتسمم الحمل
بالتفصيل الممل كتبتها
للعضه والعبره
مابي احد يشوووف الي شفته






لكن الحمدلله ع كل حال



كنت بالشهر الخامس بشهر 10 هجري
وانا احس بديت اتنفخ من صدري صار ثقيل ومترهل
وشوي شوي ذراع يديني تنفخت
وشوي شوي وجهي بشكل ملحوظ تنفخ
كل من شافني قال سمن وجهك ماره وطلع شكلك حلو بكثير <<
مايدرون انه كان مرض

وشوي شوي الكارثـــــه

رجولي تنفخت بشكل فضيييييع وملحوظ
والله والله يابنات لدرجه وانتو بكرامه كل جزماتي ما ادخلت فيني كلها ضاقت علي من العرض وتسويلي حبس لدمي صرت لما اطلع البس شبشب الحمام وانتم بكرامه
وهذا من غير التنميييييييييل الي برجولي اذبحتني


ولما اشتاق لاهلي كنت ابكي شوق واتنفخ عيوووني حيييل
والغريب الي استغربته انا عيوني ظلت متنفحه لمدة يومين
كأن احد ضاربني وحابسني او بالاصح كأني بكيت يوم كامل وانا مو كذا لو ابكي يومين ما اتنفخ عيوني مثل كذا ابدا وقتها ماسيرت ع احد لان الاغلب بيفهم غلط


وكنت اراجع دكتوره بمستوصف خاص
وكانت تقولي كل شي فيييك طبيعي
وسالتها كم وزن الجنين قالت 61 غرام
وكنت بنهاية الشهرالخامس
معن اني بكر وماعندي خبره بالحمل
لاكن استغربت من الوزن
بس تطمنت قالت كل شي فيييك طبيعي


كــــل ذا صــــارلـــي بشهــريــن
بشهـــر 10 و11 هـجري
كنت حامل بشهر
الخامس و السادس

جينا للكارثه
بدايــة شهــر 12هجـري
كنت تو داخله الشهرالسابـع
صارلي فيه 10ايـــام


كانت اجازة عيد الاضحى
رايحه لاهلي للخبر بـ عيد عندهم اسبوع وارجع
ومشينا توكلنا ع الله يوم الاثنين بتاريخ4 / 12 هجري
من شافتني امي طارت عيوناتها انخرعت

قالت وش هالتنفيــخ صايره بلونه
وتمسك جسمي وتحط اصبعها تقول كانك اسفنجه
اظغط عليك تدخل يدي
ويوم وصووولي ذبحني الصدااع بشكل فضيع
قلت يمكن من ارهاق السفر والطريق


ومن ثاني يوم وصولي يوم الثلاثاء الصبح تاخذني امي ع طول للطواري وسوو لي تحاليل دم وبول وكان الظغط معي مرتفع حييييل
وقالو معـــــك زلال

لازم ولاده مبكـــره هلحين
انا كنت عادي ماني خايفه
قالت لي الدكتوره روحي لك مستشفى ثاني بسرعه
ماعندنا حضانه كلها مليانه
قلت لدكتوره لو مادريت ان فيني زلال
ايش راح يصير لي ؟
وهي تطيرعيونها علي حا تروووحي فيها
قلت كيف ارووح فيها ؟
قالت بصوت عالي يعني الله يرحمك
وانا ع طول الم عفشي رحت للبيت غيرت لبسي
ورحت لطواري المستشفى المجمع الطبي بالظهران
وعلى طول دخلوني العنايه المركزه
وعطوني ابره كبيره بالمغذي اااه منها بس
خلى دم جسمي من داخل يغلي غلي
قمت اصارخ وابكي منها احس روحي بتطلع من الغليان والحراره الي بعيوني واذني
انا ع بالي خلاص هذا تحضير للموت
واجلس اتشهد وادعي وابكي من الغليان
تعرفون كيف الماء يطبخ ع النار ويفور هذا انا كنت وقتها
وركبولي قسطره للبول
وكانو بيولدوني بس قالو ماعندنا حضانه
امي قالت طلعنا من المستشفى الحرس الي وش كبره قالو ماعندنا حضانه
وانتم مجمع ومستشفى بكبره مافيه ولا حضانه وحده
قالو كلها مليانه مافيه للاسف وقال ارسلنا فكس اعلان عن حضانه لكل المستشفيات وان شاء الله يردون علينا باسرع وقت
بس اخوي وزوجي ماقدرو يصبرون راحو بنفسهم فروو كل مستشفيات الشرقيه من الساعه 10 بليل لساعه 4الفجر يدورون مالقو حضانه
مستشفى الملك عبدالعزيز القاعده بالظهران قالو ماعندنا حضانه
مستشفى الولاده والاطفال الجديد والقديم بالدمام قالو ماعندنا حضانه
حتى مستشفيات القطيف والاحساء قالو ماعندنا حضانه


من ثاني يوم الفجر يوم الاربعاء صعدوني لغرفة العمليات
وقالو لي حطيناك هنا لان تحول من زلال الى تسمم حمل ومتى ماتدهورت حالتك ع طول نولدك و وكلت امري لربي وكنت ادعي طول يومي والظهر جاني دكتور يقول حنا عندنا صحتك اهم خلاص الجنين انسيه وكان يأشر بيده بنرميه ع الارض وتعالو شوفو النفسيه كيف العبت فيني لعب وكان فيه غرف بجنبي اسمع صراااخ الحريم لما يولدون طول ماكنت بغرفة العمليات وانا اسمع صراخهن وانا بكر مدري وش السالفه بس كنت ابكي معهن لين تولد واسمع صراخ الطفل لاولدت ارتاح معها كأني انا الي والده مو هي ومرات بعز نومي ابي ارتاح تعبت نفسيا وجسديا الا افز على صراخ وحده صراخها متواصل قمت ابكي حرام عليكم ليش اعيش هالمعاناه كافي اني بين اجهزة العمليات وحوستها ودمار نفسيا ...
عشت معاناه محد عاشها
وبنفس اليوم المغرب مستشفى التعليمي الجامعي بالخبر
ردو ع الفكس انهم عندهم حضانه
وعلى طول بالاسعاف اخذوني للمستشفى التعليمي الجامعي ودخلوني ع طول غرفة الولاده حطوني بالعنايه يسحبون مني دم وياخذون بول من القسطره


ومن ثاني يوم الخميس تاريخ 7 /12 الظهر ع طول قررو لي ولاده عمليه ودخلوني غرفة العمليات وكانت النفسيا دمااار وكانو بيحطوني تخدير موضعي بس ترجيت الدكتور وطلبته ابي تخدير كامل كافي النفسيا دمار بعد تبوني اشوف وش تسون فيني بالمقصات والالات قال طيب معك حساسيه وربو قلت لا قال طيب وجاب كمام اسود وحطه بخشمي وانا ادخل بعالم ثاني
وولدوني وجبت بنت وزنها
700غرام وريئتها ما اكتملت
لان تو صارلي عشر ايام بالسابع
وانقلو لي دم ودخلوني العنايه المركزه جلست فيها 3 ايام وكانو يسحبون مني دم كل نص ساعه اربع علب يعني باليوم كانو يسحبون مني دم 131 علبه حسبها زوجي لي





ليلة العيد عيد الاضحى حولوني للترقيد
والظهر جوني اهلي يعيدون لي جلست معهم ساعه وانا اتشنج طبعن وقتها ماكنت ادري دخلت غيبوبه بس امي سالفتها لي يوم طلعت تقول تشنجتي وانادي الممرضات مايردن الناس عيد وهن مشغولات خواتك طاحو يبكون وتقول امي تشنجتي وضميتي يدينك لصدرك ع شكل ايكس وبحاول افك يدك ماقدرت ويالله جت دكتوره الولاده وعطتك ابره هدتك
وعشر دقايق وترجعين اتشنجنين مره ثانيه ودخلوك العنايه المركزه ورفضو يدخلوني عليك ابي اطمن عليك

وتقول امي رحنا البيت وحالتنا حاله ومتوتره والاعصاب مشدوده
وانا اتعب عليهم رحت لطواري وسوو لي تحاليل قالو لها معك سكر لانه كان عيد ومالها خلق تاكل وماكان قدامها الا الحلويات بس وتاكل منها ومع التوتر جاها السكر

امي مامعها سكر انا جبتلها السكر ياناس ااه مني بس


جلست بالعنايه 8 ايام طول ماكنت بالعنايه اسمع صراخ الحريم وكنت ادعي لهن ربي يقومهن بالسلامه وعقبها طلعوني ترقيد يومين وعقبها طلعوني للبيت وتعذبت مع العمليه والامها ومعاناتها والتفكير بحال بنتي

سالتهم من وين يجي الزلال ؟
قالو يجي فجاه من غير سبب
قلت يمكن من الاكل او النفسيه
قالو لا اكل ولا النفسيه
الطب الاجنبي مسوين بحث
حصلو يجي فجاه الاغلبيه بشهر السابع البكر بس

قبل لا اولد بيوم وحده من خوياتي
قرت جريده خبر مكتوب
بالشرقيه 140 حالة ولاده
واكثر من 40 حالة زلال
بيومين

معقوله كل الي جاهن زلال جاهن فجأه
وكلنا بوقت واحد جانا ؟
اكيييد فيه سبب مستحيل من غير سبب

انا كتبت هالموضوع للعضه والعبره مابي احد يشوف الي شفته انا كتبتها بالتفصيل الممل عشان اذا شفتي الاعراض الي جتني جتك ع طول تابعي حملك مع دكتوره شاطره



الاعراض الي جتني انا
1- تنفخ بالجسم ( تورم القدمين )
بدا من صدري لين انتشر بجسمي وانتهى برجولي
انا بكريه مدري كنت احسبه سمنة حمل
2- صداع فضييع
لدرجة اربط راسي عشان انام وايام ما انام من الصداع
3- رغوه بالبول
شي طبيعي اني ماراح انتبه لرغوة البول
4- زياده بالوزن
انا وصلت لـ66 لي بالسابع عشر ايام
5-ارتفاع الظغط
كان يوصل ضغطي الي تحت الى 120
وفجاه ينزل الى 60
لعب فيهم لعب ظغطي
بس كان اكثر شي ظغطي 200 على 120



س:كيف نتفادى تسمم الحمل؟
ج: لتفادى تسمم الحمل:

( تسمم الحمل + ارتفاع الضغط + ورم القدمين + زلال بالبول )
يحدث بعدالشهر الســـادس

وتأتى خطورته نتيجه تأثيره على الأم فى مضاعفات
بالكبد والكلى والمخ..
لدرجه قد تهدد حياتها
وتشكل خطر كبير على الجنين
حيث يقل معدل نموه عن المعدل الطبيعى..
الى وفاته ويؤدى
فـــــــــــإذا لاحــــــــــظت:
زياده غير طبيعيه في وزنك

أو ورما فى قدميك..أو زلالا عند تحليل البول..
فقللى من النشويات والدهون والملح حتى ينخفض وزنك...
(معدل الزياده الطبيعيه فى وزن الحامل هى 2/1 كيلوجرام فى الاسبوع)


(بس ربكم رحمني بالنهايه)



ولاتنسووون ياحوامل الاذكار والتحصين لك ولجنينك يحميك من كل عين لامه ويسهل ولادتك

يارب اكتب لي الاجر بتعبي


هلحين بنتي بالحضانه صارلها شهرين واسبوع