اهلييين ،، انا والده بمستشفى الحرس صراحه مستشفى راقي بالنسبه للمستشفيات الحكوميه
اول حاجه قبل الولاده دخلوني بغرفه كبيره مقسمه بستاير كل مريضه لحالها وعندها ممرضه تخدمها وتابع حالتها ملابسك اغراضك تبقى معك مايصادرونها مثل المستشفيات الباقيه بس تحطها لك الممرضه بكيس وتحطها معك ،، شنطة الولاده ماتحتاجينها الان لانهم يلبسونك قميص مفتوح
،،
طبعا دكتوره رايحه ودكتوره جايه طلبة مسكن وعطوني لاني طووووولت بالكششك عطوني ابره بالفخذ ريحتني شوي وخلتني انام بين الطلق
جت الولاده ونقلتني ممرضه على عربيه لغرفة الولاده غرفه خاصه بحمامها الله يكرمك
للاسف فيهم عيب الكل يشتكي منه لازم يدخل عليك دكتور ويقول انا اللي بولدك بس انا رفضضضته قالي مافي غيري قلت عادي وطلع من عندي وبعد ساعه جتني قابله وانا توي ماجت الولاده صدق
وتعبببت مرره وطلبت امي ودخلت عندي وطلبت ابرة الظهر وعطوني كان الدكتور مرررره شاااطر والحمدالله ارتحت ونمت كم ساعه
بحزة الولاده جت كذا ممرضه تساعدني ومع القابله والحمدالله تمت الولاده وبدينا بالخياطه ماكنت احس فيها لاني ماخذه ابره حسيت بالغرزه الاخيره وكانت خياطه داخليه وخارجيه دكتورتين اللي خيطوني وحده داخلي ووحده خارجي
بنتي اخذوها عندي بالغرفه بس بسرير لحالها ينظفونها ويلفونها من عندهم ماطلبو ملابسها وعطونيها ارضعها واشوفها بعدها دخل زوجي وطلعت امي وجلس معي عشر دقايق لاني قلت لهم ابي يشوفها لو طلع فوق خلاص من ورا القزاز يشوفها اتذكر الممرضه كانت ترتبني قبل لايدخل زوجي بعدين اخذو البنت للوزن ولدكتور يشوفها وانا خلوني اتعشى وارتاح
بعدها دخلتني الحمام الله يكرمك ودخلت معي هي وغسلتني ونظفتني وغيرتلي ملابسي الى درجة الفوطه الله يكرمك لبستني لان اختل عندي التوازن بعد الكرشه والتعب لي يومين ولاده ،
بعدين رحت الغرفه ارتحت ونمت جت الممرضه شافتني نايمه ودة البنت للحضانه وبس قمت جابوها كنت بغرفه مشتركه ماكان فيه ازعاج عادي الفطور وممرضه عندك بنفس الغرفه وجتني دكتوره تشوف خيوطي وبعدين جتني دكتورة الاطفال تشوف بنتي هذا كله الضحى وبعدها ماشفت احد لوقت الزياره
موفرين لي فوط وملابس داخليه عند سريري وجاني الصيدلي صرفلي كريمات وادويه والعصر طلبة الشنطه من زوجي غيرة ملابسهم وترتبت
،، بنتي تركوها يومين بالحضانه لان معها صفار وكنت اروح ارضعها وماطلبو لها ملابس الابوقة الطلعه ،، يعطونك موعدبعد اسبوع للخياطه يشيكون عليها
، الغرف الخاصه ماادري كيف وضعها للحالات الخاصه او اللي بفلوس بس احس ضيقة صدر ومالها داعي لان من بكرا يطلعونك وبتمليين ماجت الزياره ،،
الله يسهلك ويهون عليك