[اوشي]

المشاركة الأصلية كتبت بواسطة goldrose

صباح الخير
كيف حالكم كلكم
انا في نهاية السابع وقبل اسبوعين مشيت للدكتورتي و قالتلي الماء اللي حولين البيبي زايد شوي قالت يمكن عندي سكر حمل
طلبت مني تحليل السكر الثلاثي وقالت لي لازم تجيني كل اسبوعين لان المية زايده
انا خفت هل في خطر عالجنين طمنوني
وانا درته التحليل والحمد لله قال اخصاي التحاليل طلعت النتيجه طبيعيه وامس العشيه كان موعدي مع الدكتوره مشيت واعطتني ابر كرتوزن علي خاطر رئة البيبي قالتلي لان احتمال ولاده وقالت راس البيبي لوطا والماء زايده
ولما روحت للحوش شفت الجهاز طلع اني في الاسبوع 34و5 ايام وموعدي يوم 11-6
وعلي حساب الدوره انا المفروض 30 اسبوع و2 يوم موعد الولاده 12-7
الفرق شهر علاش طمنوني وانا بكريه ماعنديش هلبه معلومات
بالله عليكم اهو عودته السؤال وردوا عليا ولو بدعوه

لاباس عليك خيتي .. ان شاء ماهناكش سو

بالنسبة للمية الكثيرة خطيرة عالجنين لانها تسبب له ضغط وخاصة عالدماغ وتسبب بعض

الاعاقات .. ربي يحفظ لك جنينك وتشوفيه بصحة جيدة

لذلك لا تستهيني بالموضوع وخليك مع الدكتورة ممكن تعملك تحريض مبكر لو اقتضى الامر

وماتشوفي شر ياحبيبة

المشاركة الأصلية كتبت بواسطة *ام فراس*

صباحو من طرابلس
تحديدا فندق باب البحر
ماشاء الله ع الهدرزة الحلوة وين نغيب يومين نلقي 18 صفحه فايتيني عمرها ماصارت خخخخخخخخخخخخخخخ
توا بالصدفه لقيت نقالي عالق ع الواي فاي تبع الفندق خط اسرع من البرق
طبعا اول امس وصلنا 9بلبل بعد قانونا الخطوط الليبيه وصلنا سته صبح بس ماعطوناش بطاقات لصعود متاعين الواسطات هدوما
عموما كالعادة زوجي اشحور وروحنا لهلي كلم صاحبه حجزلنا ف البراق ساعه خمسه عشية عدينا المطار وصلنا تسعه ونص وامس تمينا اجراءات التاشيره وبعدها جانا واحد من اصحاب زوجي الواجد هنا شالنا حوشه عازمنا... مراته ماشاء الله حانطه وعسولة
تعبت واجد بالغدا والعشا لان زوجها حلف لزوجي انا نتعشو وروح بنا 12ونص بلبل للفندق
دارت بالغداء رشدة بالبصله ومصارين وامبطن وكباب وسلاطات والعشا رز بالخلطه وفاصوليا وبيتزا وسويسرول دجاج
وكانت لطيفه بكل ونصحتني بحاجات واجد عالطلعه هم طلعوا من سبع سنوات.....وبكرة مروحين ساعه 3ظهر لن شاء الله

اهليييين طرابلسية ... ماشاء الله عليها مراة صاحب راجلك ربي يعطيها الصحة

يلا ديريلك جو واستعيدي ذكريات اسبوع الفرح

اكيد مرايفة علي فروسي .. والا جو الفنادق ناسك فروسي واظني حتى لولي قلتي

كان راني دايرتلها رضاعة راهو سيبتها ههههههههااااااااااااي

المشاركة الأصلية كتبت بواسطة شموسه 88

سوسو انوريك فساتين ابجد عاجبتني انحس فيهن يمشن امعاكي هنا بين جليات الخليجه والستايل الهندي

انا طبعا من مناصري الفساتين الطويلة والحشمة فعجبوني الفساتين هاذين وخاصة اللي على

اليسار عجبني واجد