[ام ميدووو]

نجي لحكايتي المخيسه
جاني طلق بعد ماجهزت شنطتي وشلت وجهي وجسمي وكان طلق متوسط لا حظو مو خفيف بس ماانتظم ولا زاد اللي يخليني اروح للمستشفى وقعدني على اعصابي من يوم الخميس واستمر ليوم الجمعه تخيلوووو وربي هلكت كانو احد صاقعني بجدار

ودخلت اتروش على صلاة الجمعه وانا خارجه من البانيو الا وتنزل عليا مويه قد كوب فجعتني
والبس وعلى الساعه 2 اروح المستشفى ويسوولي كشف تقولي 2 سانتي وتخطيط تقولي فيكي طلق مو منتظم المشكله اني ادري والحمد لله البيبي حركتو ممتازة اتطمنت بس المويات وقفت ولا كانو صار عليا شي

رجعت كتبتلي على ابرة الرئه معا اني دخلت التاسع بس تقولي البيبي 2 و 600 قرام ولو انولد باذن الله مايحتاج حضانه اتوكلت على الله واخدتها معا اني مو مقتنعه بس يالله ان شاء الله خير والدكتورة ادرى
واعطتني بسكوبان للمغص شكلي حزنها قالت لو طلق مايروح بس يخفف المغص شويا سالت الصيدلي برضه قال نفس الحكايه
واعطتني مضاد عشان لا تجيني التهابات لانو المويات تسرب عندي ورجعوني للبيت وقالو لو زادت المويات تعالي والا لو زاد الالم على طول تعالي اليوم خف المغص شويا والله يابنات نمت من العشاء للساعه 4 مدري عن نفسي من التعب
ودحين صحيت وبطني محجرة اااااي يابطني تصدقو شكلها متغيير ويحزن
هادا اللي صار كلو ف المستشفى الالماني اللي انا مقررة اولد فيه باذن الله
واليوم موعدي ف مستشفى الحكومي متابعه للي صار معايا من نقص المويه قبل 10 ايام بروح والله كريم يمكن يسوولي سونار وتخطيط واتطمن على المفعوص اللي ببطني
تصدقو ماحد سووا فيا كدا من اطفالي غير دا الاخير والا انا دايما طلق ويزيد واروح اولد ماعمرو فتح رحمي وجلست كم يوم ودي الحركات االي تخوف وتنشف الدم

وصادقين مو كل الولادات زي بعض كل اكشن يختلف يعني كل ماتحملو اتوقعو شي جديد
واللي تسال عن المويات انا مانزلت عليا مويات انا اللي شفتو زي الافرازات شفافه تشبه المويه العاديه قد ملعقه مو اكتر ومادققت ولمن رحت موعدي وقلتلهم طلعت مويه الجنين

يابنات ادعولي وربي تعبت دي المرة
ومسكينه امي حبيبتي سابت بيتها وجالسه معايا من خوفها عليا الله لايحرمني منها