[زووووز]

بجد الله يعينك حبيبتي
هي مشكله صغيره وكبيره بنفس الوقت تحرمك تستمعين بالكلام او الطلعه مع زوجك
مثل ماقالوا البنات الصبر ثم الصبر وماراح يبطل لين ينقرص منهم

انا في بداية زواجي كان يقول لاهله كل شي متى جلسنا وشكلنا وين رحنا وانا جالسه واسمع بعدين نركب السياره انفجر فيه ليه تقول وماله داعي وفي بعض الاشيا ممكن حتى تخليهم ياخذون عني افكار موحلوه مثل يقولهم جلسنا متاخر ماطبخنا غدا. يعني هم شبيقولون كسوله راعية نوم. هذه خصوصيتنا لا اهلي ولاهلك
لكن لاحياة لمن تنادي واللي يقهر يكون في موضوع بينا يقولي لاتعلمين اهلك واتفاجا هو علم اهله بعدها قلتله لاتقولي لاتعلمين اي شي ابي اقوله بقوله مابي اقوله بكيفي
وبنفس الوقت ماكان يقولي شي عنهم ابد لدرجة حتى لو شي قالوا قلها فلانه ولدت مايعلمني يقول نسيت
والمشكله الاكبر انهم مايعلمونه باسرارهم
وكذا مره تصير اشيا ويكتشف ان اخر من يعلم ومره بيسافرون وهو كل يوم يمرهم ولاعلموه الا قبل يوم
ومن يصير مواقف استغلها وانحز له بالكلام

والحين خف كثير الحمدالله