[غيمة ومطر]

ياحياتي
احمدي ربك انتي ع كذا
اسمعي شكوى هالبنت مسكينة بجد وقد حلت مشكلتها بطريقة ذكيه جدا وهي مرتاحة جدا ومبسووووطة
رغم ان وضعها العن منك ومهددة بالطلاق ونفس مشكلتك وانا اقتبست جزء من كلامها :

لاني موظفة ودايم عطيني اسحبي لي وجيبي لي فلوس
مو انه يعطيني لا الا انا اصرف عليه وع اهله وغير انه اناني يسافر بالايام ويخليني ببيت اهلي ابكي محروقة من تصرفه ومتفشلة لما يسألوني ليه ما جا زوجك او وين زوجك
ودايم المشاكل اكلتني اكل لدرجة ان الاعياد يروح ينبسط ويخليني في بيت اهلي ولا حتى يعيد علي ؟؟؟!! مو قهر حرام والله
لدرجة انه هددني اذا ولدت بيأخذ اللي ببطني ويعطيه لامه ويطلقني
واشتشرت كثير وكلمت اختي الكبيرة اللي لها خبرة بهذي الامور واشتشرت الوالد الله يطول بعمره

طبعا النصائح نفس اللي قالوه لك اخواتي في هذا المنتدى ويمكن اضافوا الشي الكثير
اول شي خذت لها شقة تمليك باسمها
وطلعت بعد اكثر من سنة من المحاولات وكانت طريقتها ذكيه ان تجعل زوجها يمل من بيت اهله ويطلع علشان الخصوصية
وزي ما قالوا لك الكلام الطيب والبسمة والحنان والحب وامور صغيرة تسوينها تسحرين قلبه ومثل ما قالوا كل شي بالفراش يجيب نتائج خرافية
هي بينت له انه تحبه بس الظروف ما تساعد تعطيه اكثر من هالحب والحركات الرومانسية علشانها ساكنة مع اهله ومستحيه ومن هالكلام
وشوي شوي اقتنع هو ومع الوقت صار يدلعها ويخصص وقته لها
وصار يجيها علشان يحس برجولته وهي شاطرة بهذي الناحية من الدلع واللبس والتميع والاسلوب
وطبعا ابدا ما وقفت كل شوي ليه اهلك وانا لا بالعكس سكتت ومثل ما قالوا لك الاخوات نصحته سوي كذا وكذا
وهو بنفسه لاحظ انه مقصر معها بالمصروف وصار يجيب لها اللي يقدر عليها وكانت تبكي من الفرحة انه هذا لها
وتغير زوجها بفضل من الله
ولما حملت جننته باللي ببطنها وصار مجنون فيها وباللي ببطنها
واول ما ولدت خلاص
صار عندها دايم 24 ساعة انشغل عن الكل وصار وقته لزوجته وبنته
سوي مثل ماقالوا لك الاخوات جربي ما راح تخسري
وترا اول سنة وثاني سنة كل المشاكل تصير
بعدها يا انتي تمسكي زمام بيتك او تخلي الناس تقاسكم وتشاركك بوقتك اللي مع زوجك
هذا انتي وشطارتك
فلا تيأيسي حاولي مليون مرة
هذا زوجك وابو عيالك لا تتسليمي وتتركي غيرك يقاسمك فيه
خليك ملكة وحرة وسيدة بيتك ولا تسمحلي لوحدة ثانية تاخذه منك
تعلمي الاساليب ومهارات من البنات واشتشيري لكن لا تخسري حياتك
ع امور تافهة ومشاكل مردها بتروح مع الوقت
واتمني لك التوفيق يالغلا