مساء الخيرات كيف حالكم كووووووووووولكم انا من طرابلس السوق ممكن في وحدة عرفتي من صورة بنتي الامورة بس علي فكرة هادي صورتها لما صغيرة مالقيتش غيرها في لاب توب كلهم في الكاميرا الخاصة فيها حبيبت قلبي تعرفوا انا متعلقة ببنتي هللللللللللللللللللللللبة ههههههههه امي تقول طفلة جابت طفلة بس للامانة هي زي صاحبتي بس في وقت الشدة شديدة معاها نبي انخليها قريبة مني لين تكبر وتتعود اتقولي كل شي واهم شي بيناتنا الاحترام والله لو بنتكلم علي بنتي مانمل ربي يحفظها الغالية يااااااااااااااااارب والله الدوخة واللوحم هالكني الحمد لله علي كل حال عمري خشيت22 ان شاء الله العمر كله بنتي عمرها سنتين و4شهور ربي يخليها ليا اليوم حسيت بنفسي شادة رويحتي قلبت الحوش كله ههههه مليت ليا اسبوع ضماني العادي تنشيف وكنس وصابون في الماكينة قلت اليوم انولي لضماني وزي ماتعرفوا اليومين اللي فاتوا تراب يالطيف الحوش كله شفطة الرواشن والجلسات وكل شي وبعدين سيقتة كله لان حوشي كلة شبة برسلين ومانقتنعش بالتنشيف انحسه اتمزريط وماينضافش وبعدين مسحت ولمعت الدواليب والتريات وكل شي والحمامات اندير فيهم يوم وراكينة وصابون وتلميع ويوم بالمطهر فقط لان انضيف هذا حمام دار النوم اما حمامات الضيوف كل يومين انحكة بالوراكينة والصابون وكل يوم انمر علية واندير مطهر وانسيق قداه الحوش اما الجنانات مش شوري لابو الشباب يسقي ويرتب هذا الشي الوحيد المشمهندس سلامته يدير فية يؤبشني خخخخخخ سلامتة حتي الشخشير يرمية في اي مكان اكرمكم الله امهم ربي يحفظها امعودتهم هكي كل شي اديرهم فية عالعموم والله عارفة طولت عليكم بس لقيت نفسي واخدة راحتي خصوصا اني قاعدة بروحي ممشيتش لحوش بوي واخواتي كلهم غادي خساره فاتني الجو ربي يحفظهم كلهم وبوي الغالي وامي الحنونة وخواتي البنات والاولاد احني ماشاء الله عويلة لما نتلاقوا بصغارنا قبيلة تبارك الرحمن خلاص خلاص <<<<قولي والله صدعتينا برااااااااااااااااااااااا
اللهم اعني علي ذكرك وشكرك وحسن عبادتك يارب احفظ بناتي وزوجي ووالدي واحبابي ياااااااارب العالمين