ميشو ولدي ماعنده نيه يقلب زين بدا يرفع راسه ويسند رقبته لما اسدحه على بطنه او اشيله على كتفي.. بس صاير يمل من الانسداحة على ظهره يبيني اجلسه جنبي وانا اطالع التلفزيون ههههههه تخيلو يطير عيونه بالتلفزيون معاي ويندمج وبعد شوي يبدا يطلع اصوات ويسولف مع اللي بالتلفزيون!! يموتني ضحك..
يحب السوالف والبربرة وما يبيني انشغل عنه يقعد يصارخ يناديني واذا جيت يقعد يطلع اصوات ويناظرني لازم اتجاوب معه ولا يزعل.. تعود الاخ على التدليع الله يعين عليه هههههه
عاد انا بعد فتره بمشي للسعودية ومرة شايله هم الرحلة الطويلة مع الاخ خالد وبعد شايله هم اذا رجعت وتغير الوقت عليه وانا معودته ينام بالليل لين الصبح ومتبرمج خلاص لين جا وقت نومه ينعس مرة وينام حتى لو انه بالصاله عند التلفزيون وكل شي.. ف شايله هم وشلون بقلب نومه بالسعوديه احسه بيهبل فيني الله يستر!!