[صبورة]

حماتك مثل حماتي
تحب تمشي الكناين على كيفها و ماتحب وحدة فينا تروح لاهلها
تخيلي انا ساكنة لحالي و في مدينة بعيدة عنها و تقول ليش تسافري لعند اهلك و انا مارروح لعندهم الا مرة كل 5 شهور و هي بنروح لعندها في الصيف لما زوجي ياخذ العطلة السنوية اللي هي 21 يوم.لو بحكيلك شو كانت تعمل معي في هاديك المدة اللي اقعدها عندها ما راح تصدقي الله يسامحها حماتي اصعب حماة شفتها بحياتي .كل اخواتي متزوجين و حماوتهم ما يدخلوا فيهم و طيبيين معاهم.. و عند مرت اخ زوجي سكنت معها شهرين وكانت ما تسكت لها وبعدين لما سكنت لحالها ما تزورها الا في المناسبات هي و زوجها و اهلها تقريبا يوميا عندها في الاول كانت حماتي دايما تتدخل فيهم و بعدين مرت اخ زوجي قطعت علاقتها بام زوجي تماما لا بتسال عليها بالهاتف و لا شيء و بتزورها الا في المواسم بالرغم ان سكنهم قريب و بعدها صارت حماتي لا تتدخل فيهم ابدا.و لما تزورها بتدخل لعندها بايدها فاضية ترحب فيها و بعيالها مو مثلي ادخل عليهم محملة كل شيء وهدايا مو عاتقتني لاني ما عندي عيال..و كمان تزوج اخ زوجي الثالث المسكين ساكن مع امه و زوجته موظفة وتعمل شغل البيت كله لما ترجع .مع هيك حماتي مو عاجبها و دايما بتصرخ بصوت عالي و بتصير رايحة جاية البيت وتعمل صراخ و زعيق و تلطم في راسها
كانها في جنازة
و وتقلل من احترام ابنها و تجرحه بالكلام لانه زوجته كانت تعبانة و ما قالت لها شو راح نسوي العشا.و انا يا ما شفت هيك لما كنت بروح لعندها الله يهديها و تقول الكنة اجباري عليها تخدم اهل زوجها و رجلها فوق راسها. ترمي عليها كلام يسم البدن والمسكينة ماترد عليها.بس تفش خلقها بزوجها و هو عارف امه بانها لا تحب احدا.و تشتكي منها و تقول بتروح لعند اهلها كثير المفروض تقعد مع اهل زوجها.
اللي بغيت اوصل له
ان هادا النوع من الحموات لازم تكوني رسمية معها ما تحكي معها كثير الا الكلام الخفيف و السلامات لانها بهاته الطريقة راح مع الوقت بتصير بتعمل لك قدر وقيمة وما تتدخل فيك و اياك تستشيريها في طلعاتك من البيت المهم زوجك يكون على علم لانك لو عودتيها راح تصير تتحكم اكثر...اما بطريقة ثانية خلي زوجك يبر بوالدته على قدر ما يقدر.و خليه هو يراضيها مو انت.لانها امه.ومو لازم يدلعك و يبين حبه لك امام والدته و اخواته لانه هادا الامر راح يزيد من الطين بلة.خلي كل شيء بغرفة النوم.الى ان الله يفرجها عليك بسكن خاص و مستقل.
الله يهدي سرك و يطمن بالك
والله حاسة فيك و من الضغط اللي انت فيه.