[عشقي هواك]

قلت لزوجي امك زعلانه ما قال شي والصراحه زوجي مهتم فيني اكثر من اهله عشان كذا امه ادور المشاكل علي وعلى بالها اني مسويه له سحر تروح للمطاوعه عشان يفكون عنه السحر وانا والله العظيم ماسويت له شي بس انا مهتمه فيه وايد ولله الحمد تغير وصار ماحد احسن منه اول ما تزوجت كله مشاكل بس الحين كل شي صار تمام الحين الحمدالله ماطلع من غرفتي ولا افكر اطلع الا اذا للمطبخ وارجع وخوات زوجي ما اختلط فيهم واجد قبل كنت 10 دقايق وادخل غرفتي وام زوجي تقول لناس ما نباها تسفر ولدنا انا ما غصبت ولدهن على السفره انا ما جبرت حد حتى اليهال يوم حد منهم يروح عندي ام زوجي تقوله تعال عندنا وتسلنه شو قلت لها عنا المشكله اني اسمع الكلام وانقهر حتى البزارين والله اني ما سويت لهن شي بعض المرات ماكل اتم بس افكر اذا انا غلطت عليهن بس ولا مره سويتها ولا افكر اغلط على حد الله يصبرني بس