[بيللي]

مرحبا اختي


انا من حوارك لاحظت ان انت السبب في خخراب نفسيتك


معليش على هالكلمه بس بقولك عن اخطاء انت ترتكبينها بدون ماتلاحظين.




///


1- انت ترين نفسك افضل من طليقته بكل شي لكن انت ماتعرفين طليقته زين يمكن هو ماكان يدور علي الاشياء اللي انت مبسوطه فيها.
يمكن مايدور على شهاده او جمال يمكن يبحث عن احترام او طاعه عمياء انا اقول مثلا<


2- كونك ترين نفسك الافضل هالشي يتعبك جدا لانه يخليك دايم تقولي انا افضل منها ليه يصير فيني كذا وتحرقي نفسك وتدمري نفسيتك ويمكن هالشي مايخليك تطوري نفسك من النواحي الثانيه. ،


3- يمكن زوجك ينظر لك انك مغروره وانك انت احسن منه بالشهاده او الشكل اوووو فهالشي يخليه يحاول يطلع عيوبك ويحاول يحسسك انه مايحبك (هالشي صار لي مع زوجي )

الحل: حسسيه ان هو كل شي بحياتك وانك تدوري رضاه حاولي تتكلمي عن مميزاته لازم يكون فيه مميزات قوليله احب فيك هالصفه وانت احسن مني بهالشي ووو.


4- انتبهي تتكلمي عن مشاكل اهلك قدامه لان بعد صارلي نفس الشي قلت له عن مشكله وصار يعايرني فيها مع انها تافهه بس انقهرت.

لان مشاكل اهلك بيعتبرها نقطه ضعفك واقل شي يصير بينكم بيعيد الموضوع يعني لو رحتي بيت اهلك واحد ضايقك اشكي لكل الناس الا زوجك. للاسف نعتبر ازواجنا شي مهم جدا بكل تفاصيل حياتنا بس موكل زوج يقدر هالشي.


5- انتبهي تحسسينه انك مو واثقه بنفسك لو قالك فيك هالشي السيء قوليله بس فيني هالشي (الزين)
اعطي نفسك الثقه من ناحيه الشكل بالذات ولاتبالغي باي شي خليك وسط وواثقه بنفسك ثقه مناسبه ولاتقارني نفسك باحد ابدا.



6- العمليه انت عملتيها وانتهى موضوعها لاتندمي على شي راح وعدد العيال بيد رب العالمين

ياما ناس ولدو طبيعي وماجابو الا 2 وناس بعمليات جابو 6 و8.



7-اقتربي الى الله بالدعاء والصلاة وقراءه القران وخلي عندك صبر.


8- اسمعي محاضرات جاسم المطوع في العلاقات الزوجيه وفهم النفسيات

وربي كنت اضن زوجي يكرهني وطلبت الطلاق بس بعد ماسمعت المحاضرات اكتشفت انه يحبني اكثر من حبي له

وربي انصدمت باللي سمعته عن طريقه تعبير الرجل عن حبه.



////



يارب اكون كفيت ووفيت واعتذر لو زعلتك بكلمه او قسيت


*تذكري الكل يمر بمشاكل صعبه ولكن ربي يفرجها