[ام سن سن]

اولا يا رب تكونى حامل وتفرحينا .....ثانيا بقى بصى انا ليا تجارب مع تحليل الكلوروكس لان اصلا امى دكتوره كميائيه واقدر اقولك اننا دخلنا بحوار طويل بسبب الموضوع ده الى هو الكلوركس والبول لحد متوصلنا لحل عملى جدا ان الموضوع ده ملوش اى اساس من الصحه ....انا امى قالتلى تفاعل الكلوركس نتيجه لتفاعل المواد الى بالبول ياعنى مثال انا جبت ابنى وعملته التحليل ده طلع مش حامل واخوه الاكبر منه شربته حلبه وحللتهله تصدقى طلع حامل والله ....وانا شخصيا عملته ايام يفور فوره قويه وبنفس اليوم بعد اكل كراميل مثلا تلاقيه يفور فوره تانيه ولونه يتغير ويسلام لو شربتى حلبه او قرفه او جنزبيل تلاقى رغوه ملهاش مثيل تدل على حمل خمس توام واخيرا بعد البخ ده كله تاخدى فوار للهضم وتحللى تلاقى فوره مفيش لها حل نتيجه تفاعله مع الاملاح ..... انا قعدت اسبوع تجارب حتى جوزى والله ما عتقته هو واخواتى الرجاله وانا وامى بقينا بصراع عشان نتاكد من التجربه دى بس بلاخر كلامها طلع صح كله هبل .....حتى موضوع الملح الى بيقولوا عليه عملته وعمل هاله بالبول شكل القطن قلت لامى ده حمل قالتلى شربى جوزك فوار فواكه او رانى وحليله هيطلع حامل وبالفعل لقيته البول فيه سحابه قلتله مبروك انت حامل ببنت .....غير حاجه تانيه ايحانا تلاقى ريحته التفاعل قويه ما تقدرى تستحمليها واحيانا لا ريحتها تكون مقبوله والملخص انها بتعتمد على الشرب الى بنشربه ولو قاعدنا للصبح مش هقدر احكيلك قد ايه انا طبقت الموضوع ده واكتشفت انه خررررررررررررافه
ولو وزير الصحه طلع وقال التحليل ده صح انا هقولك وعن خبره لالالالالالالا كله كلام فارغ ......معلش انى طولت واتمنى اكون فدتك بجد.....وعلى فكره انا والله عارفه ان كلامى ده بيقطع اى حبل امل بس مش عاوزه انفقك ..دنتى اول واحده ردت على موضوع ودعلها بجد ربنا يجزيها خير........ايه كل الرغى ده يالهوى هما الستات كده