اهلين بنات
بصراحة انا ماكنت راح اكتب الموضوع بس عم شوف المشكلة بين اختي وزوجها عم تكبر يوم بعد يوم والسبب كتير تافه بس الله يهدي
المهم.. ندخل في صلب الموضوع
انا اختي حامل باخر السادس وسافرت على امريكا مع زوجها بسبب الشغل وهلا فاضل بس شهر او اقل و يخلص الشغل هونيك وبدو يرجع للبلد بس اختي مو حابة ترجع مصرة انها تولد بامريكا وبدها تاخد كل التجهيزات منها كمان وهو معند وبدو يرجع لاهلو
وشوي شوي صاروا عم يتشاجروا واحد بيقول بنرجع والتاني بيقول لا ولا واحد فيهم قدر يقنع الاخر وبالمرة الاخيرة راح نزل بالفندق وتركها وهالشي طبعا عصبها كمان وكمان
وانا تدخلت وكلمتهن وحاولت اقنعو هو لحتى يضل وهي لحتى ترجع مع زوجها وبالنهاية اكتشفت انو عندهم نفس درجة العناد
وبصراحة ماحبيت خبر امي لانو هي مريضة وبخاف يصيرلها شي لاسمح الله
ومو قادرة اظغط على اختي كتير لانها هي حامل وبالنهاية هي حياتها هي
ولهلا مو لاقية حل لمشكلتهم فجيت طالبة مساعدتكم ونصايحكم وياليت ماتخيبوني .gif "hwaml13")
ان شاء الله مابكون طولت عليكم كتير وبستنى ردودكم وشكرا كتير مسبقا