[أميرهــ بكلمتي]

بسم الله الرحمن الرحيم

كيفكم يا بنات يارب تكونوا باحسن حال يارب

محتاره شو اكتب ولا كيف ابتدي بس بجد انا اتعبت من كل شي نفسيتي بالارض حساها احيانا بفكر انه خلص ما راح اسمع كلمه ماما مره ثانيه وكل شهر بنعيش نفس الحلم وبنتوهم وبالاخير ع الفاضي انا عندي بنت عمرها 6 سنين ولحد الان ما عندي غيرها ياريت فيني اعرف علتي كنت ارتحت بدلت دكاتره كثير وكلو علي الفاضي وهالوقت صارلي مع دكتور بحدود السنه وما شفت اي نتيجه بالعكس بعطيني بس اوهام وبالشهر هذا طلب اعمل تحليل البروجسترون يوم 21 من الدوره بس انا لظروف عندي عملتو يوم 23 بالدوره وطلعت نسبتو 5.5 بصراحه انصدمت لانو المفروض يكون اعلي من هيك اذا كان في حمل طبعا مش عارفه شو راح يسير معي بعد كم يوم تتاخر او تشرف... وانا وزني كثير زاد من كثر الادويه والابر وما عدت اتحمل نفسي وكان عندي قرينه واعتقد انها راحت علي لاني اتعالجت عند شيخ ادعولي ولو بدعوه غيبيه
ولكم مني الشكر
اسفه للاطاله