[ماسه]

موضوع جاء بوقته ..

انا والله العظيم تعبانه نفسياً ومتحطمه كثير من الكلوميد .

هذا اول شهر لي استخدمه وللحين عاد ماادري هل حصل حمل او لا ..لان موعد دورتي بيكون 23/6 بالميلادي طبعاً ..
بصراحه بداية اخذي للكلوميد كنت جدا متفائله انها تعطيني نتيجة لكن مادري هالفتره نفسيا تعبانه واحس ماراح يصير حمل ..

لكن ثقتي بالله عزوجل اكبر واهم من كل شي ..

الدكتوره قالت لي اخذها شهرين ورى بعض واذا ماصار حمل اوقفها ونشوف وش يصير ..

تكفون ادعوا لي والله يرزقنا كلنا ياحي ياقيوم ..

تدرون يابنات والله العظيم اعرف وحده ماشاء الله تبارك الله حجم بويضتها 8واخذت كلوميد وكانت جدا جدا جدا متشائمه لان حجم بويضتها صغيره جدا لكن بقدره الله عزوجل ثم بعد الكلوميد وهي كانت اول مره تستخدمه حملت من اول استخدام للكلوميد ..

اسأل الله ان يثبت حملها ياحي ياقيوم ويرقها الذريه الصالحه المعافاه السليمة ياحي ياقيوم ..

هالانسانه اعطتني امل لكن بنفس الوقت مابي اصير واثقه جدا اني راح احمل لأن كل شي بقدرة الله ..

الله يكتب لنا جميعا الخير والذريه الصالحة عاجلا غير اجل