كيفكم حباااايبي وحشتووووني ووحشتني المسابقاااات معاكم وان شساء الله ما اكون متأخره ههههههههههههههه الســـــــــــــــلـــــــــــيــــــــــــــق معرووف للكل بس انا باذكر لكم طريقتي الخاصه فيه الطريقه اسلق دجاجه كامله بعد ما انظفها بس لاتشيلين الجلد لانها بتتحمر في الفرن بعدين اضيف لها مكعب ماجي بصله مقطعه جوانح ماجي ابيض رشه ملح حسب الرغبه بهارات حب دارسين هيل عويدي (مسمار) ليمون اسود حبتين ورقتين غار ونص اصبع زبده بعد ماتستوي الدجاجه اطلعها بصينيه واشخل موية السلق من البهارات واضيف كاسين رز مصري مغسول ومنقوع اذا بدا ينشف موية الرز اصب عليه نص لتر حليب الصافي او المراعي طبعا اقصر النار واحرك في الرز كل شوي قبل ينتهي اضيف النص الثاني من اصبع الزبده واحط حبتين مستكه اصليه للريحه تخبببببل في اثناء ماييستوي الرز ارجع للدجاجه واسوي لها هالتتبيله كاتشاب بهارات مشكله شوي زيت عصير ليمون تقريبا ملعقتين فلفل اسود اخلطهم وادهن فيها الدجاجه كامله فوق وتحت واحمرها في الفرن من فوق وبعدين اقلبها ع الوجه الثاني دايما مع السليق لازم السلطه الحاره المطحونه العاده تكون بصل وطاطم وقرن فلفل حار وملح بس انا زدت عليها خيار وبقدونس تصير الذ وريحتها واااااااااااااو وبس بالهنا والعافيه فيه ناس تحب تصب سمن بري ع وجه السليق في الحن شي اختياري واضفت لكم هنا طبق ثاني مادري هل مسموح او نكتفي بطبق واحد هههههههه الجـــــــريـــــــــــــــــــــــــــــش الطريقه احمس بصله كبيره مقطعه بالشكل اللي تحبين لانها بتذوووب مع ملعقتين زبده واحط مااجي ابيض ملعقتين وبهارات صحيحه واحط اللحم واشوحه مع البصل لحد مايخذ لون وتطلع ريحته الحلوه اضيف المويه المغليه واخليه نص ساعه وبعدها اضيف الملح حسب الرغبه وانا اكون منقعه الجريش من الليل كاستين جريش وكاستين رز مصري طبعا الرز اغسله قبل بنص ساعه بس مايحتاج تنقيع مثل الجريش اوكي نضيف الجريش والرز المصري ع اللحم والمرق ونوطي الناااار مرررره وخليه ساعتين وبعدها حركيه كل فتره اذا استوى حطي اصبع زبده <<اختياري هنا انا اسوي الحمسه اللي فوق الجريش بصل كثير خمس بصلات تقريبا اقطعها صغار وفلفل بااارد صغار بعد وفلفل حاااااااار قرنين او ثلاثه وجزر مبشور <<< اختياري ايضا احمسها مع نص اصبع زبده لحد مايذوب البصل ويحمر احط معها مكعب ماجي وليمون اسود مطحون رشه وزعفران بودره للون الخيالي وبس بالهنااااااء والعاااااااافيه واتمنى ماتنسون تصوتون لي وتقيموني فديتكم