هلا وغلا بيج حبيبتي واتشرف بيج يالغاليه
على العكس كلامج ريحني لانه شفتج ارتاحيتي وانت اتفضفضين وصدكيني اي شي بالحياة ميستاهل نتعب نفسنا ونوصل لمرحلة حاله نفسيه قد تبقى ملازمه النا ومنتخلص منها الى الابد,,,
مع الاسف اهل زوجك هم سبب خراب حياته والا كيف لأخ هو فاشل ومدمن قمار ومنتهي من نفسه يورط اخوه بنفس الفشل الي هو بيه ويدمر حياته
والله الي اعرفه انه الاخ ايخاف على اخوه من الهوى الهاب,,
وزوجك ماعنده احساس بالمسؤليه ابدا لذلك عايش حياته وكأنه وحده الي بيها
ياترى اذا صار عنده طفل راح يبقى بنفس الحاله,,؟؟
مع كل هذا عزيزتي لتقطعين الامل ابدا ورب العالمين كل داء وضع له دواء والادمان ايضا داء,,
وحاولي اتغيرين بحياتج وبشكلج واستايلج
ولما يجيج يريد حاجته اتمنعي عنه ولتنفذين كولشي ايريده منج خلي ايحس بأنج تكدرين ترفضيه مرات الدلال الزايد يفسد الانسان وزوجج اعتاد منج على الدلال
اهتمي بنفسج وغيري شكلج وبنفس الوقت امتنعي عنه وارفضيه
حتى لو طول الامر اشهر
وحاولي تتأكدين انه مموجوده بحياة زوجك امرأة اخرى قد اتكون هي الي ماخذته منج وانتي عبالج كل وقته يلعب قمار
ورغم كل الي يبدر من اخواته ورغم كل تدخلهم اكولج اتحمليهم ولتخسريهم وخليهم لجانبج دائما تعرفين ليش؟؟
لانه زوجج ماله امان وبمرور الوقت صدكيني من راح تكسبين اخواته راح يبدون هم ايساعدوج اتنفذين كولشي الي تريديه ويصطفون وياج ضده وهو حسب كلامج يسمع كلامهم وميرده فمن راح ايشوف نفسه وحده وكلكم انكلبتوا عليه راح يضعف
اسمعي كلامي واكسبي اخواته واتحملي الروحات والجيات ولتبدين اي امتعاض ودلليهم حتى هم يوصلوج للي تريديه
ولتنسين ابدا شغله مهمه وهي الطفل لازم اتراجعين اطباء وتسوين فحص انتي وياه وشوفوا شنو السبب,,
اكو هيجي رجال متحس بالمسؤليه الا بعد ان يجوها اطفال وقبل الاطفال حياتهم عبث ولعب,,,
عيشي حياتج وحاولي اتكونين لامباليه وياه واخذي الامور ببساطه حتى لاتضعفين وتصيرين في حاله نفسيه صعبه
وتوكلي على رب العباد واكثري من الدعاء لاتنسين ابدا انه رب العباد اذا اراد شيئا يقول له كن فيكون
ربما بساعة دعاء مستجابه يغير الحال الى غير حال
واكسري الروتين دائما وخليج يوميه انسانه جديده وبشخصيه جديده حتى اذا هو مشافج فالتغيير مفيد لنفسيتج والتجديد راح ايجدد معنوياتج
ودوام الحال من المحال لابد ميجي يوم ويحس على نفسه او يصير بيه مرض لاسامح الله او يوكع وكعه من وره طغيانه وساعتهة مراح يلكه كدامه بس انتي
اني حاضره دائما اخت وصديقه الج ولكل البنات,,
واتشرف بيج يالغاليه
عسى ربي يغير حالج من حال الى احسن ويسعدج ويرزقج الذريه الصالحه ان شاء الله,,,