السلام عليكم ورحمة الله وبركاته القصة يا حلوات ..مرت أخوي عمرها 18 سنة .. وصارلها 3 شهور جاية على السعودية ... المشكلة وين .. أنو بتحب تتلقف بالمواضيع يلي بيني وبين أخواتي..يعني لمن نكون بغرفة لحالنا أنا و أخواتي ...لازم تدق الباب وتدخل ..في المطبخ بتلحقنا ...في غرفتي ... في أي مكان .. وقبل ما تدق الباب بلاقيها عم تتجسس علينا ... والله كم مرة لقطها ...وفتحت الباب فجأة ..بلاقيها عند الباب ...لووووووووول يعني أخواتي بيجو لبيتنا ..مزعوجات من أزواجهم ..أو قصص تبع حريم ..ما بدهم حدى يسمع ...وأنا بعض الأحيان بتركهم ليحكو لحالهم ..بس مرت أخوي لاء حكيتلها في أسرار المفروض ما تعرفيها ...حكتلي طيب أنا مو متل أختكم ليش ما بتحكولي والله مارح أحكي لحدى ...قلتلها القصة مو هيك ..القصة إنو ما بنحب حدى يسمع ... بنخجل ..بنستحي >>>ولا حياة لمن تنادي تعبت منها ..خايفة أحكيلها أجرحها ..وأنا ما بحب أجرح حدى.. أو أحكيلها تقول عني قوية ... شو العمل معها ..أو تحكي لأخوي وتحرضه علي ... إمبارح وهيي عم تدق الباب عصبت عليها من ورى الباب و قلت بصوت عاااااااااااااالي ميييييييييييييييين وأنا بعرف أنو هيي ..بس لمن دخلت ندمت وقلتلها حسبتك أبن أختي...مابعرف كيف أتصرف معا معليش طولت بس من جد مقهورة منها كتييييييييير..كاتمة على نفسنا ..في أشياء تانية عملتها قهرتني