[شيّومهـ]

الله يبارك فيكم بنوتات


والله قصة ولادتي تجيب المغص

واحتمال تجيب لكم الطلق الحين


قبل ولادتي بثلاث ايام ارتفع عندي الضغط وتنومت في المستشفى عشان يراقبون نبض الجنين

ثاني يوم نزل علي ماء الجنين مادري هو كان بسبب الضغط ولا ايش الي نزله

قالولي بعد 12 ساعة بيركبون لي طلق صناعي قبل ما يخلص الماء على البيبي

و ركبوه بعد 12 ساعة

ركبولي اياه الساعه 4 الفجر وبدا الطلق عندي الساعة 8 الصبح بس كان بارد الى العصر و لكن كنت جدا متألمه وهم يقولون لي للحين الطلق عندج بارد على حسب قرائتهم لجهاز قياس الطلق !

طبعا زاد الوجع والالم وارتفع الصوت /:

المغرب كشفو علي وكان الرحم مفتوح 4 سانتي بس

الدكتورة قالت لي بنعطيج ساعتين بس وبعدين بنضطر نسويلج قيصرية لان نبض الجنين ضعف بسبب نزول الماي

وقتها كانت النفسية صفررر والام الطلق بازدياد

طلبت ابرة الظهر و كانت بلا مفعول لان الطلق الصناعي اقوى منها

الحمدلله عند انتهاء الساعتين كان الرحم انفتح 8 سانتي

وقالت الدكتورة بنصبر شوي لان مابقى شي

وخلال ربع ساعة انفتح الباقي

و ولدت بالسلامة

الحمدلله كان مثل الكابووس وصحيت من


ملاحظة : ابرة الظهر تعبتني وايد لان وقت الولادة كان المفروض احس بجزئي السفلي عشان احس بنزول راس الياهل وقت الدفع ولكن كانت الابرة مخدرة جزئي السفلي تماما وماكنت احس الا بثقل جسمي


هااا شرايكم بالحتووتة (:


ان شاء الله ولاداتكم تكووون سهااالااات ياارب