مرحبا .. انا عضوة جديدة في هذا المنتدى من سوريا .. بدي استشيركن بحالتي
حملت أول مرة و أجهضت في الأسبوع الخامس .. الدكتور قلي الحمل ضعيف و ما عطاني أي دوا ..
بعد بشهرين يعني هلأ حملت للمرة الثانية .. رحت ساويت سونار بالأسبوع الثالث كان كلشي طبيعي و عطاني الدكتور ابر مثبتات و أسبرين و فوليك أسيد ..أنا هلأ بالأسبوع الخامس لكن من شي خمس أيام شفت بقعة دم بني بعدين وقف .. رحت للدكتور و ساويت سونار قلي كيس الحمل صغير كتير وفيه ضمور و قلي وقف كل الأدوية وراح ينزل لحالو وطلب مني و من زوجي تحاليل بعد ما خلص دورة .. انا ما صدقت كلامو و رحت لدكتورة تانية بس للأسف قالتلي نفس الكلام أنو كيس الحمل وقف نمو .. وهلأ أنا موقفة أدوية بس لهلأ ما نزل عليي دم .. شو بتننصحوني ساوي يا أخواتي ؟ ولله أنا فايتة بدوامة كبيرة ...جزاكم الله خير