أما الآن ،،
اترككم مع فقرة أخباري ، اللي عودتكم عليها <--- برااااا هع
الخبر الأول /
ولدي جاله برد مرتين فديته وكان يبكي الليالي
وصار مسخوووون وصلت مرة سخونته 39درحة مئوية ، يقولو الأطفال درجة حرارتهم الطبيعية هي 36 على عكس الكبار يكون 37
عشان كذا 39 تساوي 40 درجة الكبار .. زوجي انخرع وماراح الشغل في ذاك اليوم من الخوف ( اول طفل ماينلام ههههه)
وكنت انا ماسكته وهو يبلل فوطه صغيره ويحطها بالثلاجة ويحطها على راس البيبي (عاد سمع هالشيء من بنت عمته كانت تسوي كذا لولدها) .. وحطينا مسكن الألم في مؤخرة البيبي والحمدلله بعد كم ساعة راحت السخونة ..
الخبر الثاني /
وداااااااعا للمغص !!! وأهلا بـ النوم الغير متقطع !!!
بس دخل على الشهر الثالث فاجأني !!!
بأول اسبوع ما يبكي ومافي مغص على عكس الشهرين الأولين ..
وصار ينام في الليل من الساعة 9:30 الى 5 الصبااااح
بدون ما اعلمه بدون شيء صار ينام و ما يصحى او يبكي على عكس الأول كان يصيح كل 3 ساعات من الجوع
فـ الحين كل يوم اعطيه رضعة حليب مكونة من (حليب الصدر شفطته له ممزوجة بحليب الصناعي لان تدرون الحين كبرو والطبيعي لحاله مايكفي)
يصيرو مع بعض 200مل اتأكد يخلصها كلها ويكون شبعان واغير حفوضته والفه بالكوفله (لساته متعود عليها) واحطه على جنب وينام
بعدها يصحالي الساعة 5 او 5 ونص من الجوع ، وانا اكون صاحية قبله بنص ساعة واكون مشفط له رضعة وامزجها بالصناعي كالعادة اجهزله وبذا الوقت يكون صحى تقريبا :)
شرايكم ؟؟ هههههه مين مثلي بدأ ولدها / بنتها تنام لسااااعات بالليل ؟
الخبر الثالث / من الناحية الشكل
بدأ شعري يتسااااااقط بغزااااااااارة :(
قريت من النت انو الشعر يبدأ يتاسقط من بعد الأربعين ، ويبدأ يتساقط بصورة جدية من الشهر الثالث من عمر البيبي
وكلامهم صح لانه بدأ يتسااااقط بصورة جنوووونية :( :(
وقالو انو بيستمر يتساقط لين يصير البيبي سنة !! ياااا الله !! ماقدر اتخيل كيف يصير شكلي .. خلاص وداعا يا شعري تهي تهي