حبيبتي اسمحيلي ...
وربي مشكلتك ماتجي نقطة في بحر مشكلتي انا مع اهل زوجي اللي هم للأسف بيت خالي
احلف لك بالله العظيم ان امه اتصلت عليه كذا في يوم من الايام مروووقة الاخت تقوله طلق زوجتك !!
قال لها ليش قالت كذا ماعجبتني !!! وربي سمعتها باذني كان صوتها عالي من جواله تقول طلقها وازوجك بدالها اللي احسن منها
ولما انا سألتها انا في ايش غلطت عليهم قالت وبكل وقاحة .... لأنك ماتحبينا !!!
الله يشهد علي اني كنت معتبرتهم اهلي ... كنا قرايب اصلا من قبل ما اتزوج ولدهم
وتخيلي انها تعايرني تقول اني عقيم و ترسل ع جوالي مسجاااات سب وشتم فيني و في اهلي
و اتهمتني بشغلات كثيره حتى السحر تقول اني انا واهلي سحرنا ولدها وبعدناه عنها مع انها هي اللي قاطعته تقول مانت ولدي طول
ما هذي البنت معاك وحالفه مايدخل بيتها ولما يتصل تقفل الخط في وجهه واذا يزورهم مايفتحو له الباب
و تقعد تتبكبك عند الناس تقول ولدي يكرهني متغير علي سحروووووه تمثيل احترافي من جد
وربي حتى اهلي ماسلموا من شرها وشر زوجها سب ومسجات وقلة حيا ولو احكي لك والله ما اخلص صدقيني رح تقولي مسلسل مو حقيقة لكن ما اقول الا
حسبي
الله عليها
وعلى كل من وقف معاها وظلمني
ليش كذا ؟؟؟ عبط يعني يخترب بيتي عادي عندها ؟؟
أنا صار لي على هذي الحالة من بعد ماتزوجت بشهور والى اليوم بكمل 5 سنوات وانا في حرب معاها هي وزوجها الله لا يسامحهم
وما حكيت لك قصتي الا لان من شاف مصيبة غيره هانت عليه مصيبته
انتي احمدي ربك ما شاء الله جات على نظرات و رسميات اصلا كل البيوت كذا دايم اهل الزوج يغارون من زوجة ولدهم
وحاقدين عليها مادري ليش
عموما..........انتي روقي بالك ولا تتحسسي من الموضوع اسأل الله أن يؤلف بين قلوبكم ويفتح عليكم ويكفيكم وساوس الشيطان
وتكفين حبيبتي انتي او اي اخت تقرأ قصتي اترجاكم تدعوا لي بظهر الغيب ان الله ياخذ لي حقي وينصرني على من ظلمني
استودعكم الله الذي لا تضيع ودائعه