" ثـرثـره "
على شفآهي
رمآد .. وحمآم ميت .. وأقلآم مكسره
وأصوآت لــ النآس .. متى مروآ .. في أعلى الحنجره
شريط يدور .. يدور على الحآل والأخبآر
وكيف الصحة والأحبآب
مع إبتسآمه مسمره
على جدرآن .. مآلهآ أبوآب
فرشة أسنآن .. وأموآس حلآقة
وصبح أصغر .. من الطآقه
وحنفيه تسكب المآء .. ثـرثـرة
أغسل المرآيآ .. وأجفف المرآيآ
وأنآ عندي موآعيد .. مبعثرة
على وقت أقصر .. من الصبح
إللي ورآ الطآقه
تلبسني هدومي .. وتخنقني اليآقه
وأظهر قبل بدري .. وبعد متأخر
لأجل أعترف .. وأنكر
ويدور الشريط .. يدور
حكي قليله نور .. وأكثره ظل
أشيآء مرسومة بالمسطرة .. وبحسآب
ويبلعني الطريق .. مثل حوت غبي
يآكل ولآ يهضم
آه لو أدري وش يبي ؟ يآكل ولآ يضهم .!!
يبلع النآس .. ويلفظهم على أرصفة مكسرة
وكرآسي .. وطآولات مبعثرة
ويعطيهم مناديل .. للعرق
أرآجيل للنعآس .. وللأرق
وحديث جآد .. لكن بايت
عن غصن زيتون في الشمآل .. ومجزرة
وأنآظر الشآرع يمر .. والسيآرة تهزني
حلم غريب .. يبتزني
يقول أعكس كل الشوآرع
غير الموآج والأفرآح
لو يمر غرآب .. ويحجب الشمس
وينزل على أطلآل .. مقبره
ودي أتشآءم .. أو يتغير شي
زلزآل .. إعصآر .. أو تحترق غآبه
يحصل شي أي شي
يكسر .. ه الرتآبه
على القليل لو تندلق محبرة .. على الأورآق
أو يدخل مآ بين العين والأهدآب
عود طآير .. شوي ترآب
السآعه ه الحين .. ست وثلث
الصبح متأخر .. وأنآ لآزم .. أصحى بدري