السلام عليكم ورحمة الله وبركاته
شحالكم خواتي الموضوع باين من عنوانه
انا من حملت وانا كل مره يقولون فيني شي اول شي قالو عنق الرحم صغير لازم عملية ربط سرت مستشفى ثاني قالو عنق الرحم معج اوك ......
واحين قالو الماي ناقص نفس الشي ما صدقت سرت مستفى ثاني بالفعل طلع ماي الجنين ناقص
اول كان 8 وبعد اسبوع صار 6 وبعد يوم صار 5 ورقدوني ف المستشفى 10 ايام
عطوني ابرة لنمو رئة الجنين الابرة الاولى الساعه وحده الظهر والثانية الساعه وحده الصبح
وثلاث مرات ف اليوم يسون لي تخطيط ع الجنين ويقيسون الضغط
واحين طلعت من المستشفى لاني مليت وعطوني موعد كل يومين اروح اسوي تخطيط ودوبلر
والحمدلله الجنين اوك قبل كانت تقول لي السستر ان الاكسجين ما كان يوصله اما احيين اوك
ولما رحت اخر مره معهم قررو موعد ولادتي مع ان موعد ولادتي شهر 4 وانا احين بالشهر الثامن الاسبوع 33
وموعد العملية 10\3 ونصحتني السستر اسوي تخدير نصفي وانا من النوع اللي يخاف كيف بتحمل تخدير نصفي
ارجوكم طمنوني منو ربت بالاسبوع 34 وبعملية؟؟
تخبرني كيف كانت العملية وكم مدتها وبعد العملية في الم والجنين كيف كان وضعه خلوه ف الحضانه
وابرة التخدير كيف كان شكلها حسيتي بالم ابي وحده نفس حالتي كانت تخبرني شو صار معها ؟؟؟
ومشكورين خواتي لانكم قريتو موضوعي واتمنى الردود منكم