بليييييز بنات ساعدوني بنصيحتكم
كيفكم بنات اخباركم
انا خلصت التاسع ولي يومين ف العاشر اتنومت قبل يومين ف المستشفى لان حركة الجنين عندي ضعفت والحمد لله رجع الوضع طبيعي بس كشفت عليا الدكتوره وعملتلي تمرين وبعدها قالت عندك الرحم مفتوح 2 سم وهيا بتكشف نزل معاها شوية دم
والله فرحت وقلت جاء الفرج وقالت اليومين هادي تولدي ان شاء الله
خرجت من المستشفى ع مسؤليتي قولت اسخن نفسي واجيهم مستويه
رجعت البيت وبدات تنزل عليا سوائل لونها بني غااااااامق
اليوم الي بعدو اختفى كول شئ اول مره يحصلي شئ زي كدا
امس نزلت عليا قطع صغيره حوالي 3 مرات شكلها مخاطي ولونها بيج غامق ولزجه من دون دم
سالت قالو هادي السداده
بس كيف بنات مااحس ولا بشئ لاطلق ولانزل دم ولاشئ
واحس بالم من تحت يعني الم الراس لانو نازل ف الحوض
مين جراله زي كدا ينصحني او عندو خبره
الاستشاري اعطاني مهله 10 ايام عدى منها وباقيلي 5 ايام ازا ماولدت ادخل تنويم
اكيد حيولدوني بالقوه يعني طلق صناعي وتوسيع وحاله وعذاب مااتحملو
طبعا احاول ارفض وافضل القيصريه على تعذيبهم
بنات طنوني ع حالتي نفسيتي زفت خلفت قبل كدا بس اول مره يحصلي شئ زي كدا
يعني الين اشوف علامة الولاده ويختفي كول شئ
سبحان الله