[نوني المنصوري]

السلام عليكم و رحمة الله وبركاته ..

اليوم بسرد لكم قصتي و معاناتي ..

مشكلتي عندي ضعف فالتبويض الشي الوحيد الي يقولونه حقي اضعفي بس للعلم انا مب متينه وايد تقريبا وزني ف 70 وسوولي تحاليل شامله قالولي ما فيج شي .. اول علاجي كان ويا الدكتوره ناديه اول شي عطتني كلوميد و مافاد عقب عطتني ابر منشطه (gonal F) بعد كورس الابر حملت بس هرمون الحمل بدا ضعيف وصل 50 شي جيه وارتفع شوي و رجع نزل يعني صار اجهاظ كان الحمل بس شهر .. و عدت كورس الابر و حملت و تم الحمل شهرين ورقدوني و عطوني حببوب تثبيت بس للاسف بعد ما ارتفع هرمون الحمل رجع نزل يعني اجهضت و سوولي تنظيف !!
والمره الثالثه حملت بروحي يقولون انه المبايض تتم متنشطه من بعد الابر فتره المهم بعد الحمل اجهضت بس هالمره ما سويت تنضيف ..

تميت 5 سنين موقفه علاج .. عقب رحت مستشفى الامارات وخبرتهم شو صار وياي وجربوا معاي الابر المنشطه بس هالمره ما صار حمل ..
الشهر الي بعده قالولي خلاص بنسويلج اطفال الانابيب (IVF) .. سويت وتوكلت على الله واستانست يوم قالولي 70% نجاح بس للاسف فشلت .. وبعد 4 شهور عدت المحاوله الي هو قبل 3 اسابيع تقريبا بعد فشل !! والله نفسييتي تعبت وايد وما اعرف شو اسوي !! خلاص ما اريد اعيد المحاوله هني اريد اسويها برع قريت انه هم يسوون زراعة الأجنه في لندن في عيادة لندن كلينك .. والله نما اعرف خبروني شو اسوي .. انا والحمدالله اقرا سورة البقره كل يوم و استغفر وايماني بالله قوي والحمدالله .. قدر الله و ماشاء فعل ..


اتمنى يا بنات انكم تفيدوني :)