السلام عليكم بنات الف مبروك للحوامل وان شالله الاشهر القادمه نكون كلنا حوامل
انا مشكلتي دورتي هالشهر حيييل قليله نزل دم احمر خفيف والشهر اللي فات واللي قبله خفيفه وايام اقل من اللي انا متعوده عليه
قبل شهر ديسمبر دورتي من 4 ايام الى 6 ايام ودورتي دم احمر مع قطع دم لونها احمر غامق (عنابي) مع رائحة الدوره
المعروفه والامها اسفه حبيباتي على الوصف بس والله الهدف التوضيح
دورتي شهر 12 وشهر 1 يومين ودم قليل جدا ودم الدوره احمر فاتح صافي مافي اي قطع كأنه دم الجسم الطبيعي اللي ينتج
من اي جرح بالجسم يعني الدم نظيف لا ريحه ولا لون دوره وينزل قليل حيييل قليل
الشهر هذا شهر فبراير انزلت في موعدها وانا جميع الاشهر تنزل في موعدها الا شهر 1 قبل موعدها بيومين بس تعتبر منتظمه هالشهر مدتها 4 ايام بس الدم نقاط دم قليل
الحين انا قريت بالنت اكثر شي قالوه عن قلة الدوره ضعف تبويض او اكياس على المبيض
انا اخذت سونار مهبلي قبل شهر ونص كان عندي التبويض ممتاز والمبايض سليمه مافي عليها اكيس ولايوجد تكييس
سؤالي لكم جزاكم الله خير شنو اسباب قلة دم الدوره وقلة اعراضها الامها
جاوبوني بنات
مع العلم موعدي مع الدكتوره الخميس بس ودي اكسب منكم ومن تجاربكم وشنو اقول لدكتوره تاخذ علي
من تحاليل وفحوصات
ملاحظه ا نا ما اخذ ادويه ولا اعشاب
وفترة الدوره اكثر من السوائل الدافيه والمردود والرشاد مع التمر وشربة قرفه في دورتي الاخيره انصحوني فيها البنات
بس للاسف مافادتني