هلا والله
إلصقيها أول يوم في الدوره بكتفك أو زندك من برا يعني الذراع من فوق
إذا لصقتي أول لصقة أول يوم الدوره مثلا صادف خميس يصير كل خميس تشيلين اللصقه وتلصقين الثانيه بمكان ثاني يعني مره بالكتف اليمين مره باليسار ومره بالذراع اليمين ومره باليسار يعني كل أسبوع غيري محلها
الإسبوع الرابع تجلسين بدون لصقه عشان تنزل الدوره والخميس من الإسبوع الخامس تلصقين حتى لو ماخلصت الدوره.
أعراضها بالبدايه يمكن تصير مثل الحبوب بس بعد ثلاثه شهور كل الصداع والنرفزه تروح عشان جسمك يتعود عليها.
الأشياء المميزه فيها إنها ماتسمن ولا تطيح الشعر ولاتسبب حبوب للوجه وأكيد إنها ماتنسى عشان هي مره بالإسبوع وحتى لو نسيتي عندك يومين سماح يعني لو نسيتي الخميس وتذكرتي الجمعه أو السبت عادي شيليها وألصقي جديده بس إستمري الأسابيع إلي بعدها عالخميس.
وإذا ما عجبك الخميس تبغين يوم ثاني مثلا الأربعاء. تقدرين الإسبوع الرابع إلي مافيه لصقه تختارين أي يوم وتلصقين فيه (شرط إنه يكون هذا اليوم خلال السبعه الأيام حقت الإسبوع الرابع) وخلاص يصير اليوم الي إخترتيه تستمرين عليه.
الحمدلله أستخدمها من فتره ومرتاحه عليها بشكل كبير ليتني عارفتها من زمان
خذيت المعلومات كامله من دكتوره ثقه الله يجزاها الجنه