[ميرآ "]

السلام عليكم ...

اولا شوية معلومات ،،

متزوجة منذ : 7 شهور
الحالة : حامل ولله الحمد
موعد اخر دورة : 1 / يناير / 2013 م
: 18 / 2 / 1434 هـ
ايام التبويض : 14 -15-16
اليوم الي كان متوقع حصل فيه الحمل : 15
طريقة الجماع في الشهر الي حصل فيه حمل : ايام التبويض كل يوم الي هيا الثلاث الي فوق وبعدها يوم فيه ويوم لا
قصتي ،،

انا عانيت من لخبطة الدورة منذ وانا بنت وبعد ما تزوجت ب 3 شهور انقطعت شهرين والسبب سوء حالتي النفسية وطولت الشهر الثالث ماشرفت ورحت للدكتورة وصلحت ليا سونار وطلع عندي بويضة حجمها 18 وقالت ما اقدر أعطيك شي عشان البويضة واحتمال كبير في يسير حمل بس اليوم باليل وبكرا لازم يسير جماع وصلحت الي قالت عليه وشرفت الدورة اليوم الثالث وقلت الحمد الله فيها خيرة والشهر الي بعدو رجعت للدكتورة عشان كمان الدورة تأخرت وأعطتني دفاستون وقالت استخدميه حبتين كل يوم لمدة 5 ايام وخامس يوم نزلت الدورة وكمان قالتلي لما تنزل الدورة سوي موعد والدورة عليك ورحت لها وقالت سوي تحليل هرمونات لازم تكون الدورة عليك مهم جداً المهم سويات وطلع هرمون الحليب مرتفع 29 وأعطتني دواء دوستينكس كل 3 ايام حبة لمدة شهر وكمان أعطتني حبوب هاي كروم هي مكمل غذائي كل يوم حبتين قبل الأكل لين يسير حمل اوقفه وكمان شربت قشر وقت الدورة يقولو كويس بس ما كثرت كاس ثلاث ايام الاولى واستمريت كذا لين جاء موعد الدفاستون شهر 3 هجري و 1 ميلادي يعني شهر وأخذت الدفاستون حبه كل يوم لمدة 5 ايام
ومانزلت الدورة اول يوم سويت تحليل منزلي ابو 10 وطلع مؤ واظح أبدا يعني لازم تدققي وبعد كم ساعة بان الخط وردي مائل للعودي طبعا ما أخذت بنتيجة عشان يقولو أنه ما يطول التحليل اكثر من 5 دقائق لانه يفسد وجبت واحد ثاني نفسه وطلع نفس الحالة ما بان الا بعد ساعه المهم قلت خلاص اصبر وانتظر أحسن وانتظرت رابع يوم بالدورة وحللت تحليل منزلي بس كان الجهاز نوع ثاني وأغلى ب 35 وحللت اول ما قمت الصباح وطلع خطين واضحة جداً وغامقه كلها واليوم الخامس حللت دم وطلع إيجابي والله الحمد وسوست موعد كان امس وسوست سونار وقالت الدكتورة ماشاء الله الحامل واضح بس صغير لسى مرا
وهاذي قصتي الطويله ههههههه ادري تكلمت كثير بس حبيت اكتب بالتفصيل عشان تستفيدو ان شاء الله زي ما انا استفدت منكم
أدعو لي ربي يثبت جنيني