[ح‘ـــلم]

السلام عليكم
كيفكم بنات

الله يرضى عليكم طمنوني

انا سقطت مرتين و دحين ماشاء الله تبارك الله والحمدلله حامل بالاسبوع السابع

اليوم سالت الدكتورة على التحاليل اللي سويتها قبل اسبوع قالت كله كويس ماشاء الله

بس السكر عندك مرتفع شوي بس ماقالت لي كم ..
و سالتني انتي عندك سكر ؟ قلت لا
و سالتني لما حللتي كنتي صايمه ؟ قلت ايوا

قالت خلاص سوي تحليل gtt بعد اسبوعين عشان نتاكد منه < اللي هوا تحليل السكر

طمنوني اش المفروض اسوي .. ؟ اعطوني نصايح عشان اتجنب السكر ؟
وفي فرق بين السكر العادي وسكر الحمل واذا في فرق اش هوا ؟؟
وهل السكر اذا تمت معالجته حنلحق انو نحمي وما حيأثر ع الجنين ؟؟ وهل من جد ممكن يأثر ع الجنين خلقيا ؟
ومين تعرف او كانت حامل بالشهر التاني وعرفت انو عندها سكر وتعالجت وجابت طفلها سليم ماشاء الله ؟؟

واعطتني حبوب دوفاستون حق التثبيت علما انو ماينزل مني دم الحمدلله وقالت اخده 3 مرات باليوم ؟ بس بالله بنات مو كثير 3 وانا الحمدلله ماشاء الله ماينزل دم مني ؟؟؟


طلبتكم انا سقطت مرتين ومااااااااافهم اي شي .. من يوم مااتزوجت وانا اكتشف عالم الحمل بنفسي كل يوم اتعلم شي جديد واكتشف شي جديد ... وربي وربي ماعندي اي خبره ابدا ولاادري باللي يصير بالحريم الا بعد ماتزوجت ×_×

انصحوني جاوبو على اسئلتي كلها و ادعوووووولي والله مالي غير الله ثم انتم ..
والله يعطيكم ويرزقكم كل اللي تمنووووه ياااااااارب < وربي دعوه من قلبي