[Water Lily]

المشاركة الأصلية كتبت بواسطة أم فروحة

سؤال يعني أنت قعدت فترة من غير ما ترضعين بنتك أبدا؟ يعني انقطعتي نهائيا وصدرك ورح وتحجر ولا رضعتي؟ ولا قللتي الرضاعة فقط؟
فيه فرق إذا قللتيها مجرد تقليل* ممكن يرجع الحليب يقوى مع الرضاعة* اما إذا قطعتي فترة معينة اسبوعين مثلا فممكن الحليب يكون نشف خاصة غذا بدأتي باستخدام حبوب منع الحمل
والمصيبة الأكبر إذا بنتك تعودت عى الصناعي خلاص مافي أمل تتقبل الطبيعي لأن الصناعي أسرع بالإدرار وأحلى في الطعم واثقل للشبع
وأنا كل هالشي واجهته في بنتي الأولى* وفي بنتي الثانية مارح تصدقين لو قلتلك إن حليبي نشف من الزعل حصل موقف قهرني مرررة ومن بعدها نشف حليبي وعملت المستحيل علشان أرجعه ولا رجع
ويبقى الأمر الأخير لأن الموضوع دقيق واسئلته متشعبة ويمكن يكون له وسائل أحرى إنك تسألي دكتورة أحسن لك
والله يجبر بخاطرك يارب

اي والله قعدت فترة مارضعت بني ابد .. يمكن شهرين وزيادة .. بسبب حالتي النفسية لانها كانت فترة حساسة بالنسبة لي وللأسف كانت بنفس فترة ولادتي وبعد الولادة حاولت ارضعها وماقدرت بسبب نفسيتي كانت زفت .. والسبب الثاني اخوها كان صغير ويغاار بشكل غير طبيعي كنت احاول ابعدها عني لما يكون هو موجود .. لين تعودت على الطبيعي ولين داومت انا بعد ..

انا قلت يمكن وحدة مرت بنفس ظروفي وقدرت ترجع الحليب ...

يعني الي صار لج ان مارجع الحليب نهائيا .. الله كريم .. بسأل الدكتورة ..

الكل الحين يحسسني بتأنيب الضمير من اهلي والمشكلة والله مب بيدي .. وهم مايدرون بالي مريت فيه الصراحة شي يقهر .. على اني كنت مصممة اني ارضعها بنتي بعد ماتعلمت وقريت عن الطريقة لاني بولدي ماكنت اعرف ارضعه ... قلت بعوضها ببنتي .. بس صار الي صار والحين قلت بحاول وبسوي المستحيل ..