حبيبتي يمكن كلامي شوي قاسي بس لمصلحتك
شوفي خوفك من كلام الناس ونظرتهم لك لوين وصلتك !!
بسإلك هل الناس اللي انتي ناقله همها درت عنك ؟ ولا حست فيك ؟ او احد فيهم رفع ايده ودعي لك ؟
والله محد داري عنك سواء كنتي حيه او ميته ، سعيده او حزينه
الناس يهمها حدث الساعه .. بيتكلمون ويثرثرون وبعدها ينسون ويلاقون حدث جديد يتكلمون فيه
لا تربطين حياتك بالناس راح تتعبين جدا .. بسلامتهم الناس ايش عليك منهم انتي ؟
لو حزنتي وعرفوا بيتشمتون ، ولو فرحتي بيحسدونك !!
والناس بجميع الحالات ماراح تسكت .. اوكي صابره ع زوجك انتي بس اكيد هم يتكلمون وليش ماحملت الخ الخ
ويمكن يحطون العيب منك ، واكيد فيه شامتين ..
يعني بكل الحالات متزوجه او بنت او مطلقه انتي مو سلمانه منهم ..
الميت وهو ميت مافتك من لسان الناس .. الله حسيب هالناس بس ..
/
بالنسبه لزوجك ، انتي وصلتي نفسك للمرحله ذي ..
يعني هدمتي نفسك عشان حضرته .. اهتميتي فيه وبنفسك عشانك ،وبالمقابل ايش سوالك ؟؟
كان طيب وحبوب ، بس لاحظ ان مالك شخصيه وتسكتين وخايفه من الطلاق وتمادى
انا نهائيا ماشجع اي وحده تطلب الطلاق ، وكل مشكله لها حل .. وحتى لو فيه عقم ربك كريم ويرزقكم بالعلاج
لكن انا ضد ان الوحده تتزوج وتهمش حياتها وشخصيتها وتعيش بكيف زوجها !!
لا حبيبتي انتي لازم تبينين له انك انسانه مثله ، ولك شخصيتك ولازم يحترمك مثل ماانتي تحترمينه
الزواج احترام قبل يكون حب !! ايش فايده ان فيه حب بس بدون احترام !!
لازم يحترمك ويقدرك ويحس انه ممكن يفقدك ب اي لحظه
اكيد انه واثق ثقه عميا من حبك العظيم له ، ومتطمن ماراح تزعلين ولا تطلبين الطلاق
لانك ساكته من سنتين وكاتمه بقلبك ..
بس اتوقع لو حسستيه ب انك ممكن تتخلين عنه راح تطيح الغشاوه اللي على عينه ويستوعب انك مو ملكه
وممكن ب اي لحظه لو ماتعدل معك بتتركينه بدون رجعه !!
ربي يسخرلك زوجك ويهديه ويرجع احسن من اول لك .. ويرزقكم الذريه الصالحه يارب