لا حول والا قوه الا بالله ..
حبيبتي شخص مثل ذا حرام يكون اب وعنده زوجه ، يعني انتي ماتقدرين تإمنين نفسك وبنتك عند مدمن
دايم لكل مشكله حل الا المدمن ذا خط احمر !!
اكيد بيسرق لان السم اللي يشربه ماعاد معه حقه ، وبتعيشين من سيئ لإسوا دامه ماتعالج
ومايحتاج شوفي الجرايم بالهبل من المدمنين .. الحكايه مو حكايه ان ابوه يعوضك بذهب او فلوس
الحكايه انه انسان غير صالح لتربيه بنته او انك تجلسين عنده
انتي لازم توقفين وقفه قويه دام بينكم بس بنت .. افضل مايكون كذا طفل وتتبهدلين
المدمن كل سنه يدمر عقله اكثر من قبل ..
لازم تدخلين احد صارم وحكيم من اهلك وتقولين له المشكله كامله .. وزوجك يا يدخل مستشفى يتعالج عن الادمان ويتإهل ويرجعلكم
او الانفصال افضل دامه مو حاط قيمه لك ولبنتك وحياتكم معه
صدقيني اليوم مد ايده واخذ فلوسك وذهبك ، وبعدها سرق من اهلك .. وبعد اكيد اهله متعودين يمد ايده وياخذ منهم
وبعدين بيوقف ؟ بيمد ايده من برا والعالم برا مو انتم تسامحونه وتسكتون ، بكرا تصير فضيحه اذا انمسك وانسجن والكل عرف
موقفك مع اهلك بيصير مو حلو ابدا .. لانك عارفه وساكته ومضيعه نفسك ..
قريبتي زوجها كان مدمن .. وكانت ساكته وبلحظه نسى نفسه وقالها يلا امشي اوديك اهلك
كانت حامل 8 اشهر واهلها بعد 6 ساعات عن مدينه زوجها .. اول مادخلوا مدينه اهلها قالها انتي طالق ونزلها عند الباب ومشى وتركها !!
متخيله الموقف الصعب اللي انحطت فيه !! حامل وبكريه وعمرها كان 18 سنه مره صعب والمصيبه انها تطلقت بدون سبب ماكان فيه شي
وبعد مانمسك وانسجن بسبب ادمانه رجع صحي لنفسه ويبغا يرجعها ، والحين بنتها صار عمرها 10 اشهر ولسسا مارجعت مشاكل وحالتها حاله
وماشاف بنته الا وهي بعمر 8 شهور !! الله المستعان بس