عزيزتي غلا اني مع كلام اخواتي ابدآ لاتفكري بالطلاق
حياة المطلقة اصعب هواية من حياتج هسة وبعدين
بنتج خطية شنو ذنبهة!!
اولآ اخذي نية بقلبج انو تساعدين زوجك على التوبة
حتى رب العالمين يساعدج .
وثانيآ روحي لبيت اهلج كم يوم حتة تكدرين تفكرين بهدوء
وبدون شد اعصاب وحتة زوجك هم يشتاقلج اذا بعدتي عنة كم يوم.
وبعدين ارجعي لبيتك بس وانتي وحدة ثانية من الداخل والخارج..
اقصد غيري لون شعرج وقصي بشكل جديد اشتري لانجريات
جديدة ومكياج جديد وحتة ملابس بيت جديدة يعني تغيير بكل
شي صدكيني مو بس علمود زوجك وانما علمودج انتي صدكيني انتي محتاجة للتغير اكثر منة,
و ابدي سويلة ليالي رومانسية غير شكل خلي ينسة اسمة صدكيني الرجل اهم شي عندة انو زوجتة تريحة بالعلاقة الحميمية لان اذا ارتاح وياهة عمرة ماراح يباوع على وحدة غيرهة لانو مكتفي فهمتي قصدي.
واذاكدرتي خلي بنتج يم امك كم يوم احسن واذا عندج امكانية روحو لمكان غيرو بيه جو وحدكم.
وابدآ لاتجيبيلة طاري عن المواضيع السابقة انتي شخصيآ انسي حتة تكدرين تعيشين وهم تفكرين صح ,والرجل ترة ابدآ مايحب الزوجة النكدية والشكاكة الي تدور وراه.
اهتمي بصحتج ترة الهم يسبب الامراض ويكبر الوحدة
ودائمآ صيري مرحة ودلوعة حتة تجذبي الج .
واذا سألج عن سبب تغير كوليلة حبيت اكسر الروتين واجدد
حياتي ,حسسي انج مهتمة بنفسج لاجل نفسج مو علمودة
ودائمآ اكثري من الطاعات وادعيلة هواية بالسجود ان رب العالمين يهدي ويبعد عنة بنات الحرام.
ولاتنسين بنتج هذي نعمة غيرج محروم منهة ويتمناهة اشغلي وقتج بيهة حتى تنسين الحالة الانتي بيهة.
واتذكري هذا حلالج لاتتنازلي عنة بسهولة وتخلين الرخيصات ياخذنة منج.
ويارب اكون فدتج بكلامي