بسم الله الرحمن الرحيم
فى البداية احب اشكركم وربنا يخليكو يارب ويرزق كل واحدة نفسها فى بيبى ويقر عينها بالولد الصالح الشهر الى جاى
هحكيلكو عن اعراضى ...
اولا الدورة اتاخرت عليا 3 ايام وعملت تحليل فى اليوم التالت
من اول جماع بعد اخر دورة كنت بحس بالم فظيعة جدا وكانه فى جرح فى المنطقة دى ودة كان بيخلينى اكره الجماع
وكان عندى باستمرار حكة وهرش وكنت حاسة انه فى التهابات
من اسبوع كدة كان بينزل عليا افرازات مايلة للاوف وايت يعنى لا هيا ابيض ولاهى اصفر
وقبل الدورة بيوم كان عندى غازات وانتفاخات وما زلت
بالنسبة لالم الدورة سبحان الله كانت بسيطة جدا ولا تقارن بالام دورتى العادية وانا اساسا الام دورتى مبستحملهاش وكانى بولد
كنت بقوم من النوم بحس بتميل فى رجلى
وكنت بحس ان الجو حر جدا على الرغم ان شقتى واسعة ودايما برد
النهاردة بقى بعد ما عملت التحليل لاحظت ان البول كان غامق بدرجة ملحوظة جدا وريحته..............
دخلت اخد دش يعنى استحمى حسيت ان صدرى كبر كدة مرة واحدة وترهل
وكمان فى افرازات برده اوف وايت بس كريمية خالص وكتيرة وبتنزل بكميات كبيرة
اخيرا نسيت اقولكو ان قبل الدورة كان صدرى كله يالمنى وبمجرد ما حد يسلم عليا ويحضنى او جوزى كان بيالمنى جدا وكنتش بستحمل
طبعا كنت بدخل الحمام كتير بس مش عارفة دة ممكن يكون له علاقة بجو الشتا البرد
بس هى دى كل اعراضى بالتفصيل
يارب اشوفكو كلكو الشهر دة والشهر الجاى حوامل ومبسوطين وربنا يفرح قلبكو يارب