[ما اجمل الوعي]

اسال الله باسمه الاعظم الذي اذا سئل به اجاب واذا دعي به اعطى ان يساعدك بنبرة الرد و تكون خفيفة على من هم حولك

انا اعاني من نفس المشكلة، و هذا بسبب البيئة اللي كنت اعيش فيها، يعني بالبيت، لازم الواحد يرد بعصبية و يرفع صوته، تعودت على هالشيء، و كانه هو الشيء الصحيح، لكن للاسف تسبب بخسارتي لناس كثير بحياتي

الحل بسيط و هو على خطوات:
1- ادعي الله سبحانة انه يساعدك على هالشيء اللي انتي ما تستطيعين تتحكمي فيه
2- اصبري على نفسك بالتعلم، يعني لما تردين و ترفعين الصوت وتلاحظين هالشيء، لا تلومين نفسك، و لكن اعتذري بنفس الوقت عن رفع الصوت و انه مو قصدك و بابتسامة
3- اذا حسيتي انك ما تستطيعين تردين بصوت منخفظ او تعتذري، فما يحتاج انك تردين مو لازم، يعني مهوب الناس ميته او بتنتهي حياتها بسبب عدم ردك، لان الكلمة لو طلعت صعب نرجعها لمكانها
4- لابد تعرفي ان مافيه احد كامل و كلنا بشر، و مو عيب الواحد يخطي المهم انه يعتذر و يبين
5- اهتمي بنفسك اقصد بالاشياء الاساسية اللي يحتاجها جسمك، يعني لما تكوني مصدعة عالجي الصداع و لما تكوني تعبانة ارتاحي، و لما تكوني معصبة لا تردين وكذا، المهم انك تحطين نفسك بالمقدمة و تلبين حاجاتها بعدين كل شيء حول بيكون تمام التمام
بقولك شيء، يمكن كلامك ساعدني اني اشوف كيف كان هالشيء مأثر بحياتي، و كيف كان ينفر الناس مني، لكن ساعدتيني في اني اشوف هالشيء و اتداركه قبل فوات الاوان، فيعني انتي ساعدتيني بدون ما تدرين

اسال الله ان يوفقك لكل خير و يبعد عنك كل عصبية يارب