[ياهم ربي كبير]

المشاركة الأصلية كتبت بواسطة ملكتني بهمسك

الي يسالون عن ام اسكندر هي كتبت موضوع وصدمني وزعلت منها وانا بانسخه لكم واحطه هنا وان شاءالله ماتزعل مني لعيون بنات تجمع محرم ايش رايكم :(


سلام يا احلى مزز في المنتدى

ادري طولت عليكم اربعين يوم من لما جبت سالي قصرت بالاشراف

بنتي مزعجة دايمآ بكاء وماتفيد معاها ادوية المغص
او تبغاني اتفرغ لسموها اقعد ارضعها طول الوقت او اشيلها
وماني فاضيتلها وربي ارميها في سريرها تبكي واقوم اشوف شغل البيت
وطول اليوم الاحق ورا اسكندر يقلب البيت رأسآ على عقب
ولسا بالحفاظة ويبغى حليب
ومايعرف ياكل وحده اقعد الاحقو أأكلو

والنت الارضي فصلناه لانو اشتركت باقة بالجوال
وفتح المنتدى من الجوال ماهو سلس زي اللابتوب
بس ماعدت اقدر اطلع اللابتوب من اسكندر

المهم قاعدة اكتب لكم شكاوى كثيرة
ابغى اوصل للزبدة
اللي هيا

طلب + نصيحة

الطلب من الادارة وهو اعفائي من الاشراف
مابي اظل زيادة اسم بقائمة المشرفات ع الفاضي
لانو فعلآ ماعدت متفرغة لاقسامي سامحوني


والنصيحة لكم جميعآ انو ماتجيبو اطفال ورا بعض بسرعة
وربي شيبوني :(

وفي الاخير اي لاف يو كلكم يا اروع خوات
حتوحشوووووووووني ولله
وحيوحشني ذا القسم اللي كان لقاءنا فيه وتعلمت اللهجة المغربية فيه :)
احبكم يالغزالات ديالي
سنين وانا هنا في القسم وتشاركنا مع بعض الحلوة والمرة
ح اكون متواجدة بالمنتدى كعضوة تواجد منقطع
سامحوني ع اي زلة بدت مني يا احلى مزز

بارك الله فيكي يا مكلتني

الله يسهل امورها ام اسكندر زعلت عليها
ان شاء الله فترة وتعدي ويكبرووو وتخف شقاوتهم
صحيح تعببببب بس بالنهاية هم بيبهات وقمة البراءة مانقدر نزعل منهم

والنصحية اللي قلتيها رح اسويها واحط لولب
لاني خايفة احمل خاصة انو دورتي جتلي بسرعة بعد الاربعين!
الله يكون بعونك يا ام اسكندر ويحفظ لك الكتاكيت
رح توحشينا ان شاء الله نشوفك عن قريب