موضي العبيدي قصة موضي العبيدي شاعرة الكويت التي عاشت في النصف الثاني من القرن الماضي والنصف الاول من القرن الحالي في زمن الشيخ مبارك الكبير وحياة هذه الشاعره في حزن وبؤس دائم بسبب فقدانها لأبنيها، أحدهم أخذه البحر منها والثاني تكفلت به الصحراء.ابنها الأكبر عبدالعزيز فقد في رحلة الغوص حين غرق في قاع البحر أثناء بحثه عن اللؤلؤ ويوم رجوع السفن للكويت كانت تنتظر على الشاطئ حالها كحال كل اهالي الكويت لأستقبال البحاره تنتظر ابنها ولم يطل الانتظار فقد رأت النوخذه يوسف الفهد وعندما جاءت تسأله حتى بادرها أحد البحارة بالخبر المحزن وقالت ترثي ابنها بهذي الأبيات : يابو سعد عزي لمن ضاعت أرياه قلبه حزين ودمع عينـه يهلـي يسهر طوال الليل والنوم ماجـاه في مرقـده كنـه بنـاره يملـي على وليف عذب الحـال فرقـاه الطيـب اللـي للرفاقـه يهلـي مدري درادير أزرق المـوج ودّاه والا كلاه الحـوت ياكبـر غلـي ياليتنـي دميـت بالهيـر ويـاه موج البحر فوقي وفوقـه يزلـي الله يسود وجه يوسف وجـزواه ماذكر دمعي وسط حوشه يهلـي جتني هدومه بعد عينه مطـواه لاوفق الله محمـل جابهـن لـي ليته ورا سيلان والهنـد مربـاه وأرجي يجيبه لي شراع معلـي البندق اللي عندنـا لـه مخبـاه نقّالهـا عقبـه عينـه يـولـي وصلاة ربي عد ماحـل طريـاه وأعداد ماسار القلـم بالسجلـي وبعد مرورخمس سنوات على فقدان ابنها الاول كان ابنها الثاني مع الشيخ مبارك في حرب الصريف وكانت تنتظر رجوع الأبن لكن قرينيس الرشيدى احد رجال الشيخ مبارك كان اول العائدين ونقل لها خبر مقتل الأبن واشتعلت النار مره ثانية ورثته بهذي القصيدة : قلت آه من علم ٍ لفا بـه قرينيـس ياليـت منهـو ميـت مـا درابـه علم لفا به مرس القلـب تمريـس والنار عجت في الضمير التهابـه والنوم له عن موقع عيني حراريس والحنظـل الممـزوج زاد بشرابـه علي الذي قفا علي ضمر العيـس واليوم ما أدري وين حد لفـا بـه نصيت بيته قلـت لـه ياقرينيـس وين الحبيب وقـال ماعلمنـا بـه اقفى مع البيرق بحرب السناعيـس وان سلمـه رب المخاليـق جابـه رديت من كثر البكاء والهواجيـس دمعي كما وبل نشاء مـن سحابـه يـاالله يافكـاك حبـل المحابيـس تفـك لـي محمـد مـن صوابـه بجاه محمـد ويعقـوب وادريـس عسى طلبتي عنـد ربـي مجابـه واعداد ماهبت هبـوب النسانيـس على النبي صليت هو والصحابـه وللحديث بقيةُ ان شا ءالله تقديري واحترامي
آبــويٌ ربــآنــيٌ عـلـىٌ قــوهٌـ البــآسٌ ركــزٌ شموخهَ فـيٌ ثـنـآيــآ طـبـآعـيٌ http://forum.hwaml.com/t241930.html سيدات وآنسات حوامل ننتظركم " شاركونا ابداعاتكم " مع " شيف الأسبوع "